Capitulum 13
De varia impugnatione omnium vitiorum.
HÆC itaque octo vitia quum impugnent omne humanum genus, non tamen uno modo omnes invadunt. In alio namque principalem locum obtinet spiritus fornicationis, in alio superequitat iracundiæ furor, in alio vana gloria tyrannice dominatur, in alio superbia arcem tenet. Et quum omnes homines ab omnibus vitiis impugnentur, diverso tamen modo ac ordine singuli impugnantur, laborant et certant.
Chapter 101 of 499