Capitulum 20
De natura gulæ per comparationem ad aquilam.
FIGURA gulæ, qua necesse est monachum quamvis spiritualem ac summum arctari, designatur proprie satis similitudine aquilæ : quæ quum fuerit ultra altitudinem nubium sublimata volatu altissimo, ita ut a nullo mortalium possit videri, rursus compellitur ventris necessitate ad valles infimas ac terrena descendere, atque cadaveribus mortuis se unire. Quibus indiciis aperte probatur, spiritum gulæ non posse, ut cetera vitia, totaliter resecari, sed ejus aculeos et appetitus superfluos tantum retundi virtuteque animi cohiberi.
Chapter 107 of 499