Caput IX

Incipit oratio ad finem usque libri producenda, (. Hominis creatio: imperium, 2, 3. Petit sapientiam a Deo mittendam, 4; operum Dei rectricem, 9; adjutricem regum, 10 et seqq. sine hac homines imperiti et imbecilli, 15 et seqq.

1. Deus patrum meorum, et Domine misericordiæ, qui fecisti omnia verbo tuo,

2. Et sapientia tua constituisti hominem, ut dominaretur creaturæ, quæ a te facta est,

3. Ut disponat orbem terrarum in æquitate et justitia, et in directione cordis judicium judicet:

4. Da mihi sedium tuarum assistricem sapientiam, et noli me reprobare a pueris tuis:

5. Sedium tuarum assistricem: de qua Prov., viii, 27.