Capitulum 19

Sententia S. Basilii Cœsariensis episcopi prolata adversus Syncleticum.

DUM quidam Syncleticus nomine, torpens præfato tepore, diceret se huic sæculo renuntiasse, et tamen quædam de propriis facultatibus sibimet reservasset, nolens labore suarum manuum sustentari, nec veram humilitatem, paupertatem et operis contritionem acquirere monastica subjectione; dixit ad eum S. Basilius: Et senatorem Syncleticum perdidisti, et monachum non fecisti.