Articulus 8
Quid sit via illuminativa.
ACCEDITE ad eum et illuminamini. Ps. XXXIII, 6.
Is. LIX, 2. Quum solæ iniquitates inter Deum et rationalem dividant creaturam, et charismata Spiritus Sancti suspendant ab ea; idcirco anima a vitiis emundata, a passionum immoderantiis reformata, a peccatorum reliquiis (quæ sunt pronitas et grandis inclinatio ad peccandum) defæcata, ipsa mox capax est illustrationis supernæ, apta est radium sapientiæ salutaris suscipere, fulgore contemplationis perfundi, ad æternorum ac divinorum speculamina elevari. Itaque, quum juxta formam præscriptam art. IV et s. se exercitaverit homo in via purgativa, viam illuminativam protinus ingredi debet, et exerceri ac proficisci in ea.
Porro via illuminativa est studium seu occupatio mentis circa contemplanda sublimia Dei, præsertim in contemplatione superbeatissimæ Trinitatis ac simplicissimæ et superpulcherrimæ Deitatis, deinde in speculatione bonorum cœlestium et supernaturalium veritatum fidei christianæ ac spiritualium rerum. Quum etenim in clara et immediata per speciem horum contemplatione tota consistat nostra felicitas, profectus noster hic est, ut contemplationi illi tam beatificæ ac perfectæ nunc quotidie propinquemus, proficiendo in fidei illustratione, in dono sapientiæ, in summæ et increatæ Veritatis ac divinorum cognitione.
Denique, quum Deus, cujus opulentiæ ac munificentiæ nullus est finis, sit essentialiter sapientia infinita et lux supersplendidissima, prorsus incircumscripta; quum videt animam modo prætacto purgatam, humilitate, patientia, mansuetudine, castitate, justitia, ceteris quoque virtutibus moralibus informatam, veritatisque avidam et fonti sapientiæ inhiantem, ac desuper illustrari affectantem, mox vul- Ps. LXVI, 2. tum suum super eam illuminat, sapientiæ radio eam clarificat, se ipsum ei præ solito clarius gratiosiusque ostendens, atque incerta et occulta sapientiæ suæ ei propalans, ita ut ea quæ fidei sunt, rationesque credendorum et nexum ac ordinem credibilium subtiliter speculetur;1 ita ut lætabunda ac grata mente decantet: Benedicam Dominum, qui tribuit mihi intellectum. Quod quam desiderabile sit ac præclarum, fatetur Propheta, dicens: Bea- Ps. XV, 7. Ps. XCIII, 12. tus homo quem tu erudieris, Domine, et de lege tua docueris eum. Unde et S. Joannes apostolus in prima sua epistola scribit purgatis hujusmodi fidelibus : Unctio ejus docet vos de omnibus.2
Footnotes
Chapter 9 of 26