XV. Vander sester partyen van menschen

Die seste pertye van menschen die dat heylighe Sacrament moghen ontfaen, dat sijn ghemeenlic¹ alle die ghene die onsen Here en̄ haers selfs salicheit also lief hebben, dat si willens en̄ wetens met voirrade nemmermeer dootsonde en willen doen; en̄ overmits vrese en̄ die minne Gods en̄ haers selfs², soe willen si houden sine ghebode en̄ der heyligher Kerken, in doene ende in latene, ende in allen dinghen die van rechte en̄ van node moeten sijn³. Ende een warſ inden jare, dats te Paeschen, willen si biechten en̄ belyen haren priester haer sonden, cleyne en̄ groet, ongheveinsdelic, alsoe alse sise ghedaen hebben na alre wijs dat sijs sculdich sijn en̄ bekennen moghen. En̄ dan willen si ontſaen dat heylighe Sacrament, na die wet en̄ na die ghewoente goeder kerstenre menschen. Ende sy willen altoes gherne ghehoirsam sijn en̄ penitencie doen voir haer sonden, na den wille haers priesters ende na wise ende maniere haerre misdaet. Die aldus leven dat is die ghemeene wech⁴ inden hemel⁵, dien alle kerstene mensee van node houden moeten die behouden selen sijn, ende nochtan met zwaerre penitencien oſte met grooten vagheviere.