Præfatiuncula

DE HIS QUÆ AD SINGULOS PRIVATIM SPECTANT CHRISTIANOS.

DE ceteris ad quæ omnes Christiani teneantur, possent adhuc plures regulæ assignari; quæ tamen ad præinductas possunt reduci et includuntur in eis: ideo istæ sufficiant. Consequenter itaque breviter est tangendum ad quæ singuli specialiter adstringantur; et incipiendum a clero, cujus caput est dominus Papa. Sed ut brevior sit hic liber, primo dicendum ad quæ specialiter obligentur episcopi: ex quibus facile erit pensare ad quæ teneantur archiepiscopi et Pontifex summus, imo et universi prælati, archidiaconi et curati.