Capitulum 29

Cur a dominica communione separentur qui spiritibus immundis traduntur.

GERMANUS : Et quid est quod videmus tales in nostris provinciis, non solum ab hominibus despici et horreri, sed etiam a dominica communione perpetuo separari, juxta evangelicam illam sententiam : Nolite sanctum dare canibus, neque mittatis margaritas vestras ante porcos; quum juxta verba tua, de illis credendum sit quod humiliatio tentationis hujusmodi tribuatur eis pro purgatione aut utilitate ipsorum ?