Capitulum 33

Interrogatio, unde processerit tanta differentia nequitiarum cœlestium.

GERMANUS : Non ambigimus ad spiritus istos malignos pertinere ordines illos quos enumerat Apostolus, dicens : Non est nobis colluctatio adversus carnem et sanguinem, sed adversus potestates et principatus, etc.¹ ; volumus tamen scire unde orta sit tanta differentia inter eos, vel qualiter tanti gradus nequitiarum exstiterint, an sint creati ad hoc ut sortirentur istos malitiæ ordines, et istis nequitiis quodammodo militarent.