XIII. Vander Ghehoirsamheit
Ute deser oetmoedicheit comt ghehoirsamheit, want nieman en mach inwendich ghehoirsam sijn, dan die oetmoedighe mensche.
Ghehoirsamheit dat is een neder, onderdanich, ghebroecsam ghemoede, en̄ ene ghereede willicheit tote allen goeden dinghen. Ghehoersamheit maect den mensche onderdanich den gheboden ende den verboden, en̄ den wille Gods, en̄ si maect die sinne ende de veelike1 crachte onderdanich der overster redenen, alsoe dat die mensche tamelic en̄ redelijc levet. En̄ si maect den mensche onderdanich en̄ ghehoirsam der heyligher Kerken en̄ den Sacramenten, en̄ den Prelaten en̄ harer leren, en̄ haren gheboden, ende haren raden, en̄ alle der goeder ghewoenten diere men pleghet inder heiliger Kerstenheit. Si maect den mensce oec ghereet en̄ ghebroecsam onder alle menschen in rade, in dade, in dienste lijflike en̄ gheestelike, na dats yeghewelc behoeft en̄ na besceydenheyt.
En̄ si verdrivet onghehoirsamheit, die ene dochter is der hoverden en̄ meer te scuwene is dan venijn ofte verghiffenisse. Ghehoirsamheit van wille en̄ van werken die ciert en̄ breidet en̄ openbaert oetmoedicheit des menschen2. Si maect vrede in sameninghen3, esse inden prelaet alsoe alst hem toebehoirt4, si trect die ghene die onder hem sijn. Si hout vrede en̄ effenheit met den ghenen die ghelijc sijn5: en̄ diese hout, hi wert ghemint vanden ghenen die ghebieden en̄ boven sijn, en̄ hi wert ghehoghet en̄ gherijcket van Gode met sinen gaven, die ewich sijn.
Footnotes
-
L. alleen vleischelike. ↩
-
Sur. hominis et exornal et instruit seu praeparat et declarat ac indicat humilitatem. Men ziet dat Surius niet breidet, maer bereidet gelezen heeft, gelyk het woord werkelyk voorkomt in F, G en M.L heeft breyt, en in I, heeft de schryver de e van bereydet doorgehaeld. ↩
-
Versta in kloostervergaderingen. ↩
-
D, F en G. zyn hier volstrekt eensluidend. In I staet een punctum medium achter sameninghen, hetgeen ons doet vermoeden dat esse eene volgende zinsnede aenvangt en staet voor is sy. L heeft: op dat si is inden prelaten alsoe si hem toebehoert, en M off sy is in den prelaeten also als sy en (hem) zo behoirt. By Surius leest men: ipsa in congregationibus pacem conciliat, et erga Praelatos reverentiam debitam, quibus etiam morigeros subditosque efficit, quotquot illis subesse debent. ↩
-
Sur. Pacem item et aequabilitatem inter aequales favet ac conservat. ↩
Chapter 14 of 111