Capitulum 17 - Monet Paupertas falsos religiosos.

¹ "Et dicebam eis: "Non contradico, fratres, quod bonum hoc non sit quod dicitis vos, sed videte, obsecro, vocationem vestram (cfr. 1Cor 1,26). ² Nolite aspicere retro. Nolite de tecto descendere, tollere aliquid de domo (cfr. Mat 24,17; Mar 13,15). Nolite de agro reverti retro, tollere (cfr. Mat 24,18) vestimentum. ³ Nolite involvi negotiis secularibus (cfr. 2Tim 2,4). Nolite rursus implicari coinquinationibus mundi et corruptionibus, quas fugistis per cognitionem Salvatoris. ⁴ Necesse est enim ut iis rursus implicati superentur fiantque posteriora eorum deteriora prioribus (cfr. 2Pet 2,20; Mat 112,45), specie pietatis retrorsum eundo ab eo quod illis traditum est sancto mandato".