Instituees au diocese de geneve

A nostre venerable Frere l’Evesque de Geneve,

Paul, Pape, V.

Nostre venerable Frere, salut et bénédiction apostolique.

• Nous accordons volontiers, pour plusieurs respectz, ce que vous ' Vide supra, p. 70,. Nous demandes, principalement quand c’est pour l’acroissement not’ du service divin. C’est pourquoy, sur l’humble requeste que Nous a este faicte de vostre part, Nous vous donnons pouvoir de confirmer et enrichir des Indulgences et grâces speciales cy dessoubz escriptes, toutes les Confrairies du tressainct Sacrement de l'Autel cy devant canoniquement instituées et dressees en tout le diocese de Geneve.

Or, les Indulgences et grâces que Nous accordons en faveur des dictes Confréries sont telles que s’ensuit :

1

Tous fidelles, tant hommes que femmes, quy estant vrayement repentans, confessés et communiés se feront recepvoir en l’une desdites Confrairies, gaigneront Indulgence pleniere le jour de leur réception.

2

Ceux qui sont desja enroollez ausdictes Confrairies ou quy le seront d’oresnavant, estant vrayement repentantz, confessés et communiés, et visitans les chapelles ou oratoires desdictes Confrairies des les premières Vespres jusques au soleil couchant de la feste principale d’icelle (laquelle vous leur assigneres), et la prieront ’ idem, p. 70.. pour l’union des princes chrestiens, extirpation de l’heresie et exaltation de l’Eglise, gaigneront Indulgence pleniere.

3

Tous les dictz confrères et seurs, vrayement repentantz, confessés et communiés, quy en l’article de la mort invoqueront de bouche, s’ilz peuvent, ou, s’ils ne peuvent, au moingz de cœur le sacré nom de Jésus, recommandantz leurs âmes a Dieu, gaigneront Indulgence et remission pleniere de tous leurs pechez.

4

Semblablement, ceux qui vrayementz repentantz, confessés et communiés visiteront les chapelles ou oratoires desdictes Confrairies, et prieront comme dessus es quattres aultres testes que vous leurs assigneres, ilz gaigneront chasque jour qu’il (sic) feront cela, dix années et aultant de quarantainnes.

5

De plus, les confrères et seurs quy, penitentz, confessés et communiés, assisterontz aux processions que lesdictes Confrairies ont accoustumés de faire chasque mois, et prieront comme dessus, gaigneront trent’ans et autant de quarantainnes. Mais ceux quy ne seront pas confessés, pourveu quilz soyent contritz et qu’ils ayent la volonté de ce (sic) confesser au temps requis, gaigneront deux centz jours d'Indulgence.

6

Ceux qui se trouveront aux Messes et aultres divins offices qui se celebrent es églises, autels ou oratoires desdictes Confrairies, ou bien qui assisteront aux assemblées d’icelles Confrairies, soit qu’elles se facent publiques ou particulières, en quelque lieu que ce soit, et ceux qui accompagneront le tressainct Sacrement quand il est porté ou es processions ou aux mallades, ou aultrement, comme que ce soit ; ou qui, estant empêchés de ce faire oyant le son de la cloche qui sert de signe pour cela, diront un Pater noster et un Ave Maria pour le malade ; ou quy se trouveront es aultres processions extraordinaires desdictes Confrairies et des aultres quy se feront par vostre licence, ou aux ensevellissementz des deffuncts ; ou quy visiteront et secourront les mallades, ou quy feront hospitalité aux pauvres, ou quy leurs feront ausmonnes et secours, ou qui pacifieront les discordes qu’eux mesmes ou les autres auront, ou bien procureront qu’elles soyent pacifiées ; ou bien quy reciteront cinq fois le Pater noster et Y Ave Maria pour les deffuncts, ou quy ramenneront quelqu’ung au chemin de salut, ou quy enseigneront les choses utiles au salut, ou quy feront quelque autre sorte d’œuvres de pieté et de charité : toutes fois et quantes qu’ilz feront quelqu’une des susdictes bonnes œuvres, gaigneront cent jours d’Indulgence.

7

Oultre cela, Nous accordons a tous les confrères et seurs desdictes Confrairies quy, estant légitimement empêchés (comme ceux quy seront mallades ou en voyages), ne pourront venir aux esglises, quils puissent en ce mesme temps gaigner les mesmes Indulgences quils gaigneroyent es églises, selon quil est dict cy dessus, moyennant quils recitent un Chapellet, c’est a dire la troisiesme partie du Rozaire.

8

Et en fin Nous donnons pouvoir ausdictz confrères et seurs de choisir tel confesseur que bon leur semblera (approuvé neanmoins de l’Ordinaire), quy une fois l’annee les puisse absoudre de tous péchés, crimes, exces et delicts, mesme de ceulx quy Nous sont réservés, et au Siégé Apostolique (excepté neanmoingz les cas réservés en la Bulle Cœna Domini et en la Constitution de Cle- • Vide tom. præced., ment VIII, d’heureuse mémoire, Nostre predecesseur, qui se F'^ commence : Quacumque a Sede Apostolica, dattee du septiesme 263,'not.(”. ’ P’ septembre mil six cent et quattre, et encour les réservés aux Ordinaires des lieux), et le tout nonobstant toutes Constitutions et autres choses quy porroint estre a ce contraires.

Donné a Rome, vers Sainct Marc, soubs l’anneau du Pescheur, le unziesme de septembre mil six cent et sept, de Nostre Pontificat l’an troisiesme.

Scipio Cobellutius. ’Videtom.xx.p 522,

not..

Revu sur le texte inédit, inséré dans l’ancien Registre de la Confrérie

du Saint-Sacrement, conservé au presbytère de Saint-Félix (Savoie). 3i6 Appendice ville de Sallançhe, lieu de ma résidence, jusques au village des Vorsiers, distant de ladicte ville une bonne demy lieue. La ou estant, mesmes au devant ladicte chappelle mentionnée par la Requeste susdite, je l’ay trouvée situee touchant le grand chemin dudict village tendant de Salanche a Magland, distante des maysons d’icelluy environ vingt pas d’un costé et trente d’un aultre. J’ay de plus remarqué ladicte chapelle estre close de bonnes murailles blanchies par le dedans, deuement couverte de deux tallappines a tavaillon et clavins ; ayant au devant ung trillier bois de sappin, posé sur murailles, de l'haulteur de trois piedz et cloz d’aiz au dessus ledict trillier, et sa porte au milieu, et au coing dudict trillier, a costé gaulche, y a une pierre de taille ronde crusee, pour tenir l’eau beniste ; estant a craindre, a cause dudict trillier, que, celebrant la saincte Messe en temps d’hyver en ladicte chapelle, la consécration ne vienne a congeler. En outre, j’ay trouvé la dicte chappelle n’avoir de longueur en dedans que neuf piedz, et huict de largeur, et aultres neuf d’aultheur ; se trouvant dressé en icelle ung aultel de pierre asses proportione, ayant neanljnoins sa table dessus faicte d’aiz, crusee au milieu pour mettre une pierre sacree. Et au dessus dudict autel, contre la muraille, se treuve attaché une image de toille, de forme carree, d’environ quattre piedz de tous costés, dans laquelle est pourtraicte en la partie supérieure la Tressaincte Trinité et l’Annonciation de la glorieuse Vierge Marie, et en l’inferieure, a dextre, l’image de ladicte Vierge tenant entre ses bras le petit Jésus, et a. gaulche, l’image de sainct Nicolas, et au milieu d’icelle, un petit Crucifix. N’estant encoure ladicte chappelle planchie au dessoubz, ny l’haultel couvert d’aulcungs draptz, linges ou tappitz.

Au sortir de ladicte chappelle, je suis entré dans l’une des maisons dudict village, pour ouyr ledict Guilliame Perroullaz, Nicolas son filz et aultres, sur le contenu de ladicte Requeste ; dont, pour cest effect, j’aurois appellé ledict Guilliame, aagé d’environ soixante ans, auquel, appres luy avoir faict prester le serment sur les sainctz Evangiles de Dieu de dire, la vérité de ce quil sera par moy examiné, luy remonstrant la peyne de faulx, a dict et respondu comme ci appres :

Interrogé sil est vray que son filz Nicolas fut detenu d’une griefve maladie, en l'annee 1598, et qu’a ceste occasion il eust faict veu a Dieu et a la glorieuse Vierge Marie de fere construire et bastir la susdicte chappelle, si Dieu luy faysoit la grâce de revenir en convalescence, et si ce veu fut faict du sceu et consentement dudict Guilliame déposant :

Respond que ledict Nicolas son filz, fut griefvement malade en ladicte annee 1598, de malladie presque incogneue, de laquelle il fut contrainct de tenir le lict environ quattre mois a l’ordinaire, et que durant le temps de sa malladie il se recommandoit a Dieu très dévotement et a ladicte glorieuse Vierge ; et fit veu, du consentement dudict déposant et par son ayde et assistance, de fere bastir ladicte chappelle si Dieu luy faysoit la grâce de retourner en convalescence. En suitte duquel veu, ledict déposant, pour s'en acquitter et son dict filz, auroit fait construire ladicte chappelle.

Interrogé si faisant faire quelque bastiment pour luy, il trouvât une pierre a laquelle l’on cogneut l’image de la glorieuse Vierge :

A respondu estre vray que, faisant bastir sa grange audict village, les massons et ledict Nicolas son filz trouvarent une pierre la au près, en laquelle (estant fendue) se remarquoit l’image de ladicte glorieuse Vierge ; de quoy ilz furent tous grandement estonnés. Et icelle pierre ont gardé jusques au bastiment de ladicte chappelle, en laquelle elle a esté employée.

Interrogé quelz jours il desireroit estre célébré et faict le service en ladicte chappelle :

Respond quil desire et supplie très humblement Monseigneur le Reverendissime de permettre y estre célébré les jours troisiesme des testes de Noël, troisiesme de Pasques, troisiesme jour des testes de Pentecostes et le jour sainct Nicolas en decembre, a forme de ladicte Requeste, pour la commodité dudict suppliant, de sa famillie et de ses voysins. Touttesfois s’en soubmet a la volunté de mondict Seigneur le Reverendissime, et encour sans voulloir préjudicier es droictz de messieurs du Chappitre de Salanche, leurs curéz. * Vide tom. xvn, p.

142, note.

Interrogé de plus quelle dote il veult constituer en faveur de la dicte chappelle pour fere ledict service :

Respond qu'il veult constituer quattre florins de revenu annuelz, et pour l’asseurance d’iceux, obliger et ypothequer une piece de terre, pré et champt contenant environ ung journal et demy, size audict village en dernier ladicte chappelle ; et si plus il en preten-doit fonder, il en bailleroit davantage. Et en oultre dict que sil plaict a mondict Seigneur le Reverendissime permettre la célébration a ladicte chappelle, qu’il la fera planchir, et la fournira de chasuble, haulbe, amit, calice et aultres choses necessaires pour celebrer la saincte Messe.

Et aultre n’a déposé, et a faict sa marque, pour ne sçavoir escripre.

Louys de la Ravoyre, commis.

Ramus, scribe.

En appres, j’ay appellé discret Nicolas, filz dudict Guilliame Perroullaz, suppliant en ladicte Requeste, deuement assermenté comme sondict pere ; iceluy aagé d’environ vingt huict ans, lequel a respondu aux demandes a luy faictes comme s’ensuit :

Premièrement, interrogé si, en l’annee 1598, il fut detenu de griefvemaladie, et qu’a ceste occasion fit veu a Dieu et a la glorieuse Vierge de fere construire une chappelle audict village des Vorsiers, a l’ayde et assistance de sondict pere, si Dieu luy faysoit la grâce de revenir en convalescence, et si ce veu fut faict du sceu et consentement du susdict Guilliame Perroulaz son pere :

Respond quil est vray qu’en ladicte annee 1598 il fut detenu d’une grosse maladie de laquelle il tint le lict près de trois mois, sans se pouvoir lever ny retourner qu’avec assistance d’aultruy, et qu’alhors il fit plusieurs dévotions et vœux pour recouvrer sa santé ; entre lesquelz l’un fut de fere bastir la susdicte chappelle au plus tost quil en auroit les moyens et commodité, sans touttesfois declarer sondict veu (Ihors de sadicte maladie) a son pere jusques environ quattre ans appres icelle. Et Ihors, que cherchant des pierres pour bastir une grange, ilz en trouvèrent une d’environ trois piedz de longueur, un pied de large et demi pied d’espesseur, laquelle estant rompue par ledit respondant, il apparut a la roup-ture d’icelle l’image de la glorieuse Vierge ; chose qui l’estonnat grandement, et luy fit alhors declarer son dict veu a son pere, qui l’approuvat et luy promit toutte assistance pour s’acquitter de sondit veu et faire bastir la dicte chappelle, ce que despuis ilz ont faict.

Interrogé sil est toujours en la mesme deliberation de supplier licence de fere celebrer ez jours portés par sadicte Requeste et constituer avec sondict pere le revenu annuel y mentioné :

Dict et respond quil continue a la mesme volunté et priere portée par la dicte Requeste ; touttesfois, s’en soubmect a ce quil plaira a Monseigneur le Reverendissime en ordonner, tant desdictz jours que du revenu annuel, n’entendant neanlmoings en ce que dessus, vouloir aulcunement préjudicier ez droitz de messieurs du Chappitre de Salanche ; offrant en oultre de fere planchir (avec sondict pere) ladite chappelle et la pourvoir de tout ce que sera requis pour la célébration de la saincte Messe. Et plus oultre n’a esté interrogé, et s’est soubscript.

Perrolaz.

Louys de la Ravoyre, commissayre.

Ramus, scribe.

Ayant ouys lesdictz pere et filz Perroulaz, j’aurois encour faict appeller Pierre et Nicolas Challamel, laboureurs dudict village, pour estre ouys sur le contenu de ladicte Requeste.

En premier, ledict Pierre, aagé d’environ soixante ans, appres avoir preste le serment sur ce requis entre noz mains, icelluy a respondu sur les interrogatz a luy faictz comme s'en suit.

Interrogé sil cognoit Guilliame Perroulaz et Nicolas son filz, et en quelle réputation ilz sont et sil sçait pourquoy ils ont faict edif-fier ladicte chappelle :

Respond quil les cognoit très bien et qu’ilz sont de bonne famé et réputation, et qu’il a entendu dire audict Nicolas Perroullaz, qu'a une sienne maladie de laquelle il venoit quasi impotent, sont environ douze années, il avoit faict veu que si Dieu luy redonnoit sa santé, de fere construire a l’honneur de la Saincte Trinité et de la glorieuse Vierge ladicte chappelle ; ce que du dempuis et des une annee en ça lesditz pere et filz ont effectuéz et ont fait bastir ladicte chappelle, a laquelle sil plaist a Monseigneur le Reverendissime permettre estre célébré la Messe, cela leur sera grande commodité.

Interrogé quelle distance il estime y avoir des le village des Vorziers jusqUes en la ville de Salanche, et quelle incommodité de chemin il s’y trouve :

Dict et respond qu’il y a environ demy lieue de distance et qu’il y a trois nantz a passer en chemin ; l’un desquelz est plus proche dudict village des Vorziers, appellé nant de Dyere, qui vient fort grand et impeteux en temps de pluye, tenant mesme de gravyne en largeur, en temps sec, environ trente pas, et que deçà dudict nant, proche dudict village des Vorziers, sont buissons, bourses et pierres environ deux centz pas de chemin.

Interrogé de la valleur du pré et champt que lesditz Perroullaz veullent ypothequer a ladicte chappelle, et de sa contenance :

A respondu et dict qu’elle contient environ un journal et demy et que ladicte piece peut valloir tous les ans, environ quinze florins. Et aultre dict ne sçavoir. Répété, a percisté ; sur les generau r interrogatz respond pertinemment, et a faict sa marque accoi 3- tumee.

Louys de la Ravoyre.

Ramus, scribe.

Ledict Nicolas Challamel, aagé d’environ cinquante ans, juré, assermenté et examiné comme est requis, a esté interrogé sil cognoit Guilliame Perroullaz et Nicolas son filz, et sil sçait quelque chose de l'occasion de la construction de la chappelle sus mentionnée :

Respond qu’il cognoit fort bien lesditz Perroullaz, pere et filz, tenus pour gens de bien, catholicques et devotz, pour estre proche voysin d’eux, et qu’il leur a entendu dire qu’ilz avoient faict bastir ladicte chappelle pour satisfere un veu de dévotion prise par ledict Nicolas Ihors qu’il eut une griefve maladie, il y a quelques années.

Interrogé quelle distance il estime y avoir des ledict lieu des Vorsiers jusques en la ville de Salanche et quelle incommodité de chemin il trouve en y allant :

Dict et respond qu'il estime y avoir environ une bonne demy lieue de chemin, touttesfois tout a plain, auquel se trouve, au sortir des possessions dudict village, des isles plaines d’espines, buissons et pierres, contenant de chemin environ douze vingtz pas, dans lesquelles isles se trouvent souvent, mesmes en hyver, des loupz et aultres bestes ; delà desquelles est la riviere appellé le nant de Diere, fort impétueux en temps de pluye et difficile a passer, et encoures de la ledit nant s’en trouve ung aultre dict le nant de la Croix, et plus oultre, tendant contre Salanche, distant du precedent environ deux ce»tz pas, un aultre appellé nant de Lespi-gnier, lesquelz touttesfois ne viennent si impétueux ny grandz que le premier.

Interrogé du contenu du pré et champt que les ditz fondateurs veullent ypothequer pour l’asseurance du revenu annuel de ladicte chappelle, et valleur d’icelle piece :

Respond qu’il contient environ un journal et demi, et qu’il peult valloir annuellement dix huict florins ou environ.

Et aultre dict ne sçavoir, sinon... avoir ce bon... la Messe se p..... en ladite chappelle pour leur consolation spirituelle. Répété, a persévéré ; sur les generaulx interrogatz a respondu pertinemment, et s’est marqué, a faulte de sçavoir escripre.

Louys de la Ravoyre.

Ramus, scribe.

Apres l’audition des susnommés, je me suis mis en chemin pour retourner a Salanche avec ledict Me Ramus, ayant au preallable remarqué audit village des Vorsiers, de costé et d’aultre, plusieurs possessions, champ et verdiers, au but desquelles, du ■costé de Salanche et environ cent pas loing dudict village, j’ay remarqué les isles playnes d’haliers, pierres et espines, tenant de chemin jusques au nant de Dyere environ trois centz pas ; puis j’ay trouvé ledict nant, appellé Diere, descendant d’une haulte montagne, demonstrant d’estre impétueux et dangereux a passer en temps de pluye et neige, et qui couvre de gravine et pierre environ quarante pas de largeur de terre ; et environ demi quart de lieue de la d’icelluy j’ay trouvé le second nant, puis, un peu delà, le troisiesme, desquelz les tesmoins ont fait mention en leurs dépositions ; ayant recognu lesdictz nantz et isles estre fort correspondantes a ce que lesdictz tesmoings m’en avoient dict.

Louys de la Ravoyre, commissayre.

Ramus, scribe.

Du lendemain, vingt quattriesme septembre mil six centz et dix.

Continuant a l’audition des tesmoins pour la veriffication du contenu en ladicte Requeste, j’aurois faict [venir] messire Pierre Naviset, prestre de Saint Gi[ngolph (i)] habitant a Salanche, aagé d’environ quarante ans fe), lequel ayant presté le serment more ecclesiasticorum, et leu la Requeste susdicte, a respondu aux interrogatz a luy faictz : t

Que pour avoir desmeuré en ladicte ville de Salanche des unze années en ça et avoir servy de vicaire messieurs du Chapitre durant ledict temps, il cognoit très bien lesdictz Guilliame et Nicolas Perroullaz, et lesquelz il a tousjours recognus bons catholicques, pieux et devotz, et que, pour avoir esté plusieurs fois audict village des Vorziers, tant pour porter le tressainct Sacrement aux malades que pour faire les bénédictions accoustumees, il a remarqué le chemin estre long et de plus de demy lieue des ladicte ville, et qu’es ditz voyages il se seroit trouvé diverses fois en peyne et danger de passer le nant de Diere pour son impétuosité et grandeur ; et qu’il se souvient qu’il y a environ dix ou unze ans, que les loupz tuerent une fille aagé d’environ douze années, ez isles desdictz Vorsiers, delà ledict Nant de Dyere, qui estoit a l’un des freres Challamel, laquelle fut apportée ensepvellir a Salanche ; et la mesme annee, lesditz loupz manquèrent encor de tuer une femme qui menoit abbreuver du bestail audit nant. Et aultre n’a declairé.

Répété, a persévéré ; sur les generaulx interrogatz respond pertinemment, et s’est soubsigné.

Navisel, prebstre.

Louys de la Ravoyre, commis.

Ramus, scribe.

Nom rongé, ainsi que le mot « venir » et ceux qu’on trouvera plus loin entre [ ].

Diacre le 23 mai 1592, recteur d’une chapelle à Passy, près de Sallanches, le Ier février 1601, curé de Saint-Nicolas de Véroce, le 24 décembre 1611, il obtient le 13 janvier 1615 la moitié d’une prébende au Chapitre de Sallanches, comme diacre d’office. (R. E., et Msr Rebord, Dictionnaire du Clergé, etc., II, P- 577-)

Appreg. jj’aurois faict appeller noble Nicolas Viollat, chastellain au mandement de Salanche, aagé d’environ septante huict ans, deuement assermenté entre noz mains ; et appres lecture par luy faicte de ladicte requeste et luy avoir formé les interrogatz requis sur icelle :

A respondu et dict qu’il cognoit de long temps le dict Guilliame Perroullaz et ses enfantz, qui font traffic de marchandise en Provence et sont tenus pour bons chrestiens, de bonne famé et réputation ; et qu’il a esté souventesfois audict village des Vorziers, tant pour y avoir une possession que pour sa charge de chastellain, et qu’au chemin d’icelluy se treuve le nant de Dyere, qui vient fort grand et dangereux a passer en temps de pluye, et delà ledict nant sont les isles des Vorziers, plaines de buissons et d’espines, dans lesquelles >se trouvent quelque fois des loupz ; mesmes, qu’il y a environ neufz ans, qu’es dictes isles ilz tuerent une fillie et l’eussent dévoré, n’eust esté que les voysins y accoururent, qui les empes-cherent. Dict en oultre, qu’il luy semble il y aye une grande demy lieue de chemin des ladicte ville de Salanche jusques audit village des Vorziers.

Répété, a percisté ; sur les generaulx interrogatz respond pertinemment, et s’est soubsigné.

Viollat, tesmoing.

Louys de la Ravoyre, commis.

Ramus, scribe.

En oultre, j’aurois encour faict appeller honorable Jaquemoz Colliet, bourgeois de Salanche, aagé d’environ soixante huict ans, lequel, appres avoir presté le serment de dire la vérité de ce dont il sera interrogé sur le contenu de ladicte Requeste, de laquelle luy a esté faicte lecture :

A respondu quil a cognu des sa jeunesse ledict Guilliame Perroulaz et a heu grande familiarité avec luy, et l'a tousjours recognu pour homme de bien ; et que pour estre allé souventesfois audict village des Vorziers ou ledict Guilliame desmeure, il a trouvé le chemin fort long, luy semblant exceder demi lieue des la ville de Salanche pour estre au coing de la parroesse ; et qu’audict chemin tirant contre les Vorziers, il y a trois nantz, desquelz le dernier et le plus proche dudict village est fort dangereux et se desborde touttes les années, de sorte que par foys un (sic) ny peult passer qu’au preallable il ne soit descru, comme est arrivé audict déposant ; et qu’appres ledict nant, sont les isles des Vorziers, dans lesquelles se trouvent quelques fois des loupz qui font dommaige ez passantz, estant advenu il y a environ quelques années qu’ilz y gasterent une fillie qui en mourut.

Il était fils de Jean Viollat, le Jeune, et vint s’établir à Sallanches comme châtelain du mandement. Il y fit bâtir une maison dont la façade portait son nom avec la devise : Deus adjutor et custos, que l’on voyait encore en 1875. Les patentes de confirmation de noblesse datent du 26 novembre 1599. Par acte du 13 avril 1611, il dota la chapelle de l’Eucharistie, érigée en l’église de Sallanches, d’une rente de 42 florins, et le Chapitre lui en accorda le patronage sa vie durant. Il épousa Françoise, fille de noble Jean du Çhesney et de D11’ Guillauma de la Rivaz ; elle teste le 24 janvier 1612, et lui meurt peu après le mois d’octobre 1617. (Notes de M. le comte Pierre de Viry, continuateur de VArmorial de Savoie.)

Opuscules TIT 21

Répété, a persévéré. Sur les generaulx, dict que Pierre, l’un des filz dudict Guilliame Perroullaz, a espousé sa niepce, fillie de son frere. Et s’est marqué, pour ne sçavoir escripre,

Louys de la Ravoyre, commis.

Ramus, scribe.

Finablement, ayant considéré qu’a la procedure de telles et semblables informations l’on a accoustumé de donner notice du faict au sieur Curé du lieu ou telles nouvelles chappelles s’érigent et se fondent, et sur ce ouyr et entendre son dire : se trouvant ladicte chappelle dressee [dans la] paroesse de [Sallanches] delaquelle le venerable Chappitre de [Sallanches] est Curé, j’aurois faict entendre aux Reverendz seigneurs du susdict Chappitre l’intention desdictz Perroullaz, pere et filz, pour l’erection et fondation de ladicte chappelle, et la charge a moy commise pour ce faict.

Surquoy lesdictz sieurs m’ont respondu quilz consentent et condescendent a la fondation et érection sus mentionnée, avec condition et proteste que ladicte chappelle n’aura aulcune marque d’eglise parrochialle ny filliolle, et qu’en icelle ne se célébrera Messe le dimenche, ne si administreront aulcuns Sacrementz, ne si donnera pain benist et ne si feront sépultures ny aulcungs aultres semblables exercices et offices parrochiaux, et que les offertoires et oblations qui se feront en icelle appertiendront ausditz sieurs de Chappitre en ladicte qualité de Curez. Avec proteste aussy que l'institution et provision des recteurs de ladicte chappelle leur des-meurera, a forme de leurs privilèges et Bulle de fondation de leur dicte eglise collegiale et Chappitre.

Pour foy dequoy ilz ont faict soubscrire ce mien proces verbal par le Sr Chanoine Viollat, leur scribe.

A Salanche, le vingt quattriesme septembre mil six centz et dix.

Du comendement desditz Seigneurs du Chappittre :

Viollat, Chanoenne et scribe.

Louys de la Ravoyre, commis.

Ramus, notaire.

Revu sur l’original inédit, conservé à la Visitation d’Annecy.

F

LETTRES DU PÈRE MAXIMIEN DE MOULINS, CAPUCIN