Reigles de pieté

Ire Reigle

Ce pourquoy, a leur honneur, ilz jeusneront comme les veilles, estantz en l'hermitage, les jours de vigiles de leurs testes.

Et en cestes cy se confesseront et communieront audict lieu.

Deuxieme élection des Patrons desditz Hermites

Et parce que, comme il n’y a poinct de genre de vie en l’Eglise de Dieu militante qui s’aproche plus de l’angelique, aussy nulle n’a tant de besoing de l’assistance des bons Anges que celle des hermites, ilz l’implorent des maintenant pour toujours.

IImc Reigle : Du jeusne et Communion extraordinaire

Et a leur honneur, es veilles et testes ou commémorations des saintz Archanges Michel, Gabriel et Raphaël, ilz observeront le jeusne, confession et Communion.....

Troisième élection des sainctz Patrons

Pour n’estre moins pieux a l’endroict des sainctz Peres de leur profession que les moindres et plus viles (sic) artisans a celuy des Sainctz, qui, vivant, exercerent quelque fois leur mestier, ilz implorent aussy leurs merites et intercession, et eslisent d’entreux pour Patrons sainctz Paul, Anthoine et Hilarion.

III1" Reigle : Du jeusne et Communion extraordinaire

A leur honneur ilz observeront le mesme qu’ilz doivent garder a celuy des aultres sainctz Patrons.

IVme Reigle : Du jeusne extraordinaire

Les Advents seront par eux observés, estants en l’hermitage, comme le Caresme.

Vme Reigle : Du jeusne extraordinaire

N'ayants poinct d’ouvriers en l’hermitage avec lesquelz il leur fault coopérer, ilz jeusneront comme le Caresme des le lendemain de la feste de Nostre Dame a celle de septembre.

VIme Reigle : Du jeusne extraordinaire

Le vendredy, a l’honneur de la Passion de Nostre Seigneur, et le mercredy a celuy de Nostre Dame, ilz jeusneront, estans en l’hermitage, comme les vigilles ; et le bastiment achevé, yadjousteront le lundy, en commémoration et pour le repos des fidelles trespassés, et spécialement bienfacteurs.

Ire Reigle : De l’abstinence des viandes, et surtout de la chair

Hz s’abstiendront tousjours en tout lieu de la chair, ainsy que les RR. PP. Chartreux, excepté du potage d’icelle, soit pours’accom-moder aucunes fois aux personnes qui les visitent, n’estre contraincts eux mesmes et ne contraindre les aultres ailleurs a faire aultre potage, et tout ensemble supporter le travail du chemin.

Hme Reigle ; De l’usage du poisson

Considerans lesdictz Hermites, que non rarement, soubz couleur de l’abstinence d'aucunes viandes l’on affecte et abuse d’autres plus friandes et moins decentes, afin que l’usage du poisson soit a jamais conforme a l’austérité et pauvreté de la vie heremitique, il ne leur sera loisible, s’ilz en acheptent (ce qu’ilz n’ont encour faict), d’y despendre plus hault de trois florins, monnoye de Savoye, pour une fois seulement en chascune des trois Caresmes qu’ilz feront en l’annee.

Ire Reigle : De la mortification espirituelle (sic)

par la corporelle

A fin de mortiffier l’esprit par le corps, tous les vendredis, en l’hermitage, l’oraison matutine achevée, durant le récit du Psaulme Miserere mei, en penitence de leurs péchés et diminution des peynes des âmes du Purgatoire, a l’honneur et commémoration de la discipline de nostre paix avec la justice de Dieu, volontairement soufferte par Nostre Seigneur et Rédempteur Jésus Christ, les Peres hermites se la donneront aussi volontaire et par leur arbitre et mesure a leurs forces ; si mieux n’aime qui ne la pourra tolerer, porter la haire ou cilice de crin trois jours de la sepmaine, ou jeusner au pain et a l’eau le vendredy, et comme les veilles le samedy, veu que a tous toutte penitence et austérité n’est pas convenable, aucune bien souvent plus contraire qu’utile au progrès de la perfection. Les Peres touttesfois n’y oublieront poinct le dire • H Cor., ix. 6. de sainct Paul, que, qui peu semera peu recuellira, nous exhortans ainsy a estre liberaux et diligens, et non avares et negligens en bonnes œuvres. -

IIme Reigle : De la mortification corporelle

par l’espirituelle

Les Freres literés, hors d’aultre plus utile exercice, mortifieront le corps par l’esprit en l’estude des bonnes Lettres et livres les plus profittables a la fin de leur profession, et en la subjection non seulement des puissances executives et impératives la volonté, mais encor et principalement du jugement de leur intellect celuy de leur Supérieur en choses indifferentes, doubteuses et ambiguës, non moins qu’aux necessaires, justes et convenables ; car c’est par telz actes qu’on acquiert la vraye habitude de l’obeissance. En quoy les idiots les imiteront d’une profonde humilité et cognoissance de leur incapacité, taschant de les devancer en œuvres corporelles ou ilz sont plus habiles.