Psalmus XCII. Laudis

PSALMUS XCII. LAUDIS.

Per mundi structuram Deo laus, legi fides, templo sanctitas constat. Sine titulo in Hebræo.

VERSIO VULGATA.

Laus Cantici ipsi David, in die ante sabbatum, quando fundata est terra.

1. Dominus regnavit, decorem indutus est : indutus est Dominus fortitudinem, et præcinxit se.

Etenim firmavit orbem terræ, qui non commovebitur.

2. Parata sedes tua ex tunc : a sæculo tu es. VERSIO S. HIERONYMI.

Dominus regnavit, gloria indutus est : indutus est Dominus fortitudine, et accinctus est : insuper appendit orbem, qui non commovebitur.

Firmum solium tuum ex tunc : ab æterno (a) tu es. 2. Ex tunc : a principio : ante orbem conditum.

(a) Var. : A sæculo.

3. Elevaverunt flumina, Domine : elevaverunt flumina vocem suam.

Elevaverunt flumina fluctus suos, 4. a vocibus aquarum multarum.

Mirabiles elationes maris : mirabilis in altis Dominus.

5. Testimonia tua credibilia facta sunt nimis : domum tuam decet sanctitudo, Domine, in longitudinem dierum. Levaverunt flumina, Domine, levaverunt flumina voces suas (a) .

Levaverunt flumina gurgites suos, a vocibus aquarum multarum.

Grandes fluctus maris : grandis in excelso Dominus.

Testimonia tua fidelia facta sunt nimis : domum tuam decet sanctitas, Domine, in longitudine dierum. 3. Elevaverunt flumina .....Terræ fundatæ aquas superfudit copia et fragore

mirabili.

4. A vocibus : propter strepitum. Mirabilis in altis Dominus : in cœlo, super nubes. Mare mirabiliter intumescit ; longe mirabilior Deus ille excelsus in altitudine consiliorum suorum, quibus nec mare profundius aut vastius.

5. Testimonia tua : lex tua : mandata tua. Credibilia : tot firmata miraculis : tanta multitudine ac fide testium, tanta temporum rerumque omnium consensione, denique tam incorrupta morum regula cultusque sanctitate. Pro quo Hier. fidelia : veridica : fidelia enim omnia mandata ejus : facta in veritate et æquitate, Psal. cx, 8, quod eodem recidit.

(a) Var. : Vocem suam.