Psalmus CVII. Eucharisticus

PSALMUS CVII. EUCHARISTICUS.

Conferendus hic Psalmus cum lvi, a vers. 8 ; ad finem, et cum lix, a vers. 6, ad finem. Si enim partes illas utriusque Psalmi conjunxeris, existet integer hic Psalmus cvii. Sunt omnes Davidis, lix, et cvii ; ad Syriacam victoriam pertinent : forte alter petit, alter gratias agit ; nec mirum poetam a se ipso mutuari. Permultæ sunt in Vulgata verborum varietates in tribus his Psalmis : in Hebræo etiam pauculae ; sed quæ nihil ad sensum pertineant, doceantque tantum alterum. ex altero non descriptus.

VERSIO VULGATA.

1. Canticum Psalmi ipsi David. (Supra., lvi, 8. )

2. Paratum cor meum, Deus, paratum cor meum : cantabo, et psallam in gloria mea.

3. Exurge, gloria mea, exurge, psalterium et cithara : exurgam diluculo.

4. Confitebor tibi in populis, Domine : et psallam tibi in nationibus.

5. Quia magna est super cœlos misericordia tua : et usque ad nubes veritas tua.

6. Exaltare super cœlos, Deus, et super omnem terram gloria tua : 7. ut liberentur dilecti tui.

Salvum fac dextera tua, et exaudi me.

8. Deus locutus est in sancto suo :

Exultabo, et dividam Sichimam, et convallem tabernaculorum dimetiar.

9. Meus est Galaad, et meus est Manasse : et Ephraim susceptio capitis mei.

Juda rex meus : 10. Moab lebes spei meæ. VERSIO S. HIERONYMI.

Canticum, Psalmus (a) David.

Paratum cor meum, Deus : cantabo et psallam, sed et gloria mea.

Consurge (b) , psalterium et cithara, consurgam mane (c) .

Confitebor tibi in populis, Domine, et cantabo te in nationibus (d) .

Quoniam magna super cœlos misericordia tua, et usque ad æthera veritas tua.

Exaltare super cœlos, Deus : et super omnem terram gloria tua.

Ut liberentur dilecti tui : salva dextera tua, et exaudi me.

Deus locutus est in sanctuario suo :

Gaudebo, dividam Sichem, et vallem Soccoth dimetiar.

Meus est Galaad, et meus est Manasse, et Ephraim hæreditas capitis mei :

Juda Dux meus : Moab lebes pelvis meæ. 6. Super omnem terram gloria tua : huc usque ex Psal. lvi.

7. Ut liberentur dilecti tui : cætera repetita ex Psal. lix, 6.

(a) Var. : Psalmi. — (b) [ Hebr. expergiscere.] — (c) [ Hebr. expergiscar diluculo.] — (d) [ Hebr. psallam tibi in plebibus.]

In Idumæam extendam calceamentum meum : mihi alienigenæ amici facti sunt.

11. Quis deducet me in civitatem munitam ? quis deducet me usque in Idumæam ?

12. Nonne tu, Deus, qui repulisti nos, et non exibis, Deus, in virtutibus nostris ?

13. Da nobis auxilium de tribulatione : quia vana salus hominis.

14. In Deo faciemus virtutem : et ipse ad nihilum deducet inimicos nostros. Super Idumæam projiciam calceamentum meum : cum Philistiim fœderabor (a) .

Quis deducet me in civitatem munitam ? quis deducet me usque in Idumæam ?

Nonne tu, Deus, qui projeceras nos, et non exieras Deus in exercitibus nostris ?

Da nobis auxilium in tribulatione ; vana est enim salus ab homine.

In Deo erimus fortes, et ipse conculcabit hostes nostros. (a) Var. [ Hebr. mihi Palæstina fœderabitur.]