Skip to the text
Ember
PT

Psalmus CXXII. Deprecatorius

PSALMUS CXXII. DEPRECATORIUS.

Populus in captivitate Deum invocat. Davidi tribuit Syriacus ut Hieronymus ; at non Hebræus.

VERSIO VULGATA.

  1. Canticum graduum.

Ad te levavi oculos meos, qui habitas in cœlis.

  1. Ecce sicut oculi servorum in manibus dominorum suorum.

Sicut oculi ancillæ in manibus dominæ suæ : ita oculi nostri ad Dominum Deum nostrum, donec misereatur nostri.

  1. Miserere nostri, Domine, miserere nostri : quia multum repleti sumus despectione.

  2. Quia multum repleta est anima nostra : opprobrium abundantibus, et despectio superbis. VERSIO S. HIERONYMI.

Canticum graduum David (a).

Ad te levavi oculos meos, qui habitas in cœlis.

Ecce sicut oculi servorum ad manum dominorum suorum.

Sicut oculi ancillæ ad manum dominæ suæ : sic oculi nostri ad Dominum Deum nostrum, donec misereatur nostri.

Miserere nostri, Domine, miserere nostri : quia multum repleti sumus despectione.

Multum repleta est anima nostra opprobrio abundantium, et despectione superborum. 2. Sicut oculi servorum in manibus : attenti ad dominorum manus, ut vel ad levissimum indicium pareant, ita nos a Dei nutu suspensi. Donec misereatur : nullum enim terminum attentioni nostrae ponimus ; supplices erimus, donec misereatur.

  1. Opprobrium abundantibus : Hier. opprobrio abundantium, etc, quia divites et superbi ad omnem contumeliam prompti.

(a) Var. : Deest David.

Chapter 124 of 153