Psalmus CXLI. Deprecatorius

PSALMUS CXLI. DEPRECATORIUS.

VERSIO VULGATA.

1. Intellectus David. Cum esset in spelunca, oratio. (I Reg. xxiv. )

2. Voce mea ad Dominum clamavi : voce mea ad Dominum deprecatus sum :

3. Effundo in conspectu ejus orationem meam, et tribulationem meam ante ipsum pronuntio ;

4. In deficiendo ex me spiritum meum, et tu cognovisti semitas meas.

In via hac, qua ambulabam, absconderunt laqueum mihi.

5. Considerabam ad dexteram, et videbam : et non erat qui cognosceret me.

Periit fuga a me, et non est qui requirat animam meam.

6. Clamavi ad te, Domine, dixi : Tu es spes mea, portio mea in terra viventium. VERSIO S. HIERONYMI.

Eruditio David, cum esset in spelunca, oratio.

Voce mea ad Dominum clamavi : voce mea ad Dominum deprecatus sum.

Effundam in conspectu ejus eloquium meum, tribulationem" meam coram illo annuntiabo :

Cum anxius in me fuerit spiritus meus. Tu enim nosti semitam meam.

In via hac qua ambulabo, absconderunt laqueum mihi.

Respice ad dexteram, et vide quia non sit qui agnoscat me :

Periit fuga a me, et non est qui quærat animam meam.

Clamavi ad te, Domine, dixi : Tu es spes mea, pars mea interro, viventium. 3. Pronuntio : Hier. annuntiabo.

4. In deficiendo ex me : cum deficeret me spiritus. Tu cognovisti semitas meas : vias quibus me expedires. In via hac, qua ambulabam : circa Engaddi tanquam in locis tutissimis, I Reg., xxiv, 1, atque in ipsa intima spelunca delitescens : ibid., 4.

5. Considerabam : undique circumspiciebam, et nemo mihi aderat ; Hier. respice ad dexteram, respice me propitius, converso jam sermone ad Deum, ostendens quam nulla sit ratio expediendæ salutis, nisi confestim ipse subveniat. Periit fuga a me : vide quam graphice depingat extremum illud periculum. Qui requirat animam : qui me salvum velit.

6. Intende ad deprecationem meam : quia humiliatus sum nimis.

Libera me a persequentibus me : quia confortati sunt super me.

8. Educ de custodia animam meam ad confitendum nomini tuo : me expectant justi, donec retribuas mihi. Ausculta deprecationem meam, quoniam infirmatus sum nimis :

Libera me a persecutoribus meis, quoniam confortati sunt super me.

Educ de carcere animam meam, ut confiteatur nomini tuo : in me coronabuntur justi, cum retribueris mihi. 7. Confortati sunt : prævaluerunt mihi.

8. De custodia : Hier. carcere, de hac spelunca, in qua conclusus sum. Ad confitendum nomini tuo . · in piorum cœtu : unde subdit : Me expectant justi : me piorum conventus expectat. Donec retribuas mihi : bona, pro tot adversis. At Hebr. in me coronabuntur justi : omnes justi, tanto exemplo benignitatis tuæ freti, parem opem expectabunt, et in me uno se beatos ac tutos putabunt.