Capitulum 35

Cur acrius impugnemur carnalibus incentivis dum jejunamus.

GERMANUS : Clarissime solvisti obscurissimam quæstionem, atque ut æstimamus, multis incognitam. Unde precamur ut hoc quoque adjicias nostro profectui, et diligenter declares cur sæpe acriores pugnæ excitentur in nobis, quando propensius jejunamus et magis exhausti deficientesque sumus. Nam sæpe quando evigilamus et invenimus nos in somno pollutos, ita dejicitur conscientia nostra, ut non audeamus fiducialiter ad ipsam orationem consurgere.