Capitulum 32

De præceptis quæ idem abbas dedit Fratri quem in nostra recepit præsentia.

HUNC igitur senem quum postea in Ægypto diligentissime inquisissemus propter familiaritatem quam secum habuimus in præfato monasterio nostro, utile arbitramur in opusculo isto describere exhortationem quam fecit Fratri quem in nostra præsentia in suo suscepit claustro. Nam dixit ad eum: Scis quot diebus ante fores jacueris, antequam hodie sis receptus. Cujus difficultatis causam debes primo cognoscere. Poterit quippe tibi multum prodesse in via ista quam cupis intrare, si cognita ejus causa, accesseris ad Christi obsequium decenter et sicut oportet.