CXLVII. Vander hoechden der Arken

De hoechde es onder halve mate. De gheheele mate, dat es de eenvoldeghe opganc ons gheests¹ met love, die ons weseleec houdt in enicheit met Gode; maer de halve mate die hier na volcht, die leert ons dat de hoecheit Gods onthoeghende es allen creaturen in love²; nochtan selen wi altoes clemmen na die onbegripeleke hoecheit met eenpaerleeken love; ende hier in blijft die mate half ende onvolbracht, want senne, ende crachte, ende alle werke des gheests en connen Gode niet volloven.