Lettres du président antoine favre w a m8r claude de Granier, évêque de Genève

1

Monseigneur,

*Videp.2Ê3,not.. * J’esperois que la première lettre que j’aurois a vous escrire en response de celle dont il vous a pieu m’honorer vous seroit rendue par monsieur le Prévost mon frere, pour l’esperance que me don-noyent ses diligences quil pourrait estre depeché avant les testes. Mais, outre l’incommodité que luy a causé l’absence du Roy et de tous ceux de son Conseil avec lesquelz il avoit négocié, qui ne sont de retour en ceste ville que des peu de jours en ça, il a treuvé sa négociation tant espineuse pour les traverses que luy font les uns et les autres (les uns, pour estre declairés tout oultre ennemys de nostre foy ; les autres, pour n’en estre amys que fort froidement, et presque tous pour estre gens d’Estat), que si sa prudence et dextérité, assistée de la grâce de Dieu et de vos mérités, n’avoyent combattu la malice du temps, il aurait esté contraincts des le commencement, d’abandonner l’affaire et le remettre a un autre temps. Mais j’espere que Dieu le favorisera de telle sorte, quil surmontera en ce voyage non pas peut estre toutes les difficultés, mais du moins un bonne partie, et quil s’en retournera pour le moins a demy content, si son contentement n’est du tout empeché par Je desplaysir quil aura de n’avoir pas entièrement satisfaict *Cf.tom.XII,Epists a ce que vous desirez. Ce n’est pas peu qu’en une si malheureuse conjoncture, une partie, et la principale, se face bien, et qu’une autre fois l’autre se face, et que, des a présent, ceux la mesme qui

Antoine Favre était alors président du Conseil de Genevois. (Voir tome

XI, note, p. 18.)

ne favorisent guere l’affaire en donnent presque asseurance. Monsieur de Lux est arrivé icy bien a poinct pour y faire de très bons Vide tom. XII, p.

80, not..

offices, comme Vostre Seigneurie Reverendissime entendra plus a plein quelque jour, car il seroit trop long et difficile de vous en représenter par lettre toutes les particularités.

Cependant monsieur mon Frere, parmy tant d’embarrassemens, ne laisse de se faire admirer par les doctes et belles prédications qu’il faict en divers lieux, et aux plus honnorables de la ville, a certains jours de la semaine ; chose qui rend favorable a luy et a sa négociation non seulement tous les bons catholiques, mais encores les princes et princesses qui assistent presque ordinairement a ses prédications. * Cf. ibid., Epist.

cuir, p. 105.

Je me resjouys extrêmement et vous remercie très humblement de la bonne nouvelle qu’avez eu de Rome, laquelle ne me pouvoit arriver meilleure en contrechange de celle qu'a eu Madame de la decision de Rote, de laquelle, toutefois, et elle et tous ces messieurs de son Conseil se donnent maintenant beaucoup moins de-peine des que nous l’avons receue et veu qu’elle n’est fondée sur raison qui vaille, ny qui soit nouvelle W. Tout le Conseil de Madame se doit assembler en brief pour en prendre une finale resolution, laquelle attendant de vous escrire par monsieur mon Frere, qui partira devant moy pour la retardation de l’arrivee de Monsieur, je vous baise cependant très humblement les mains, Monseigneur, comme celuy qui est,

De Vostre Seigneurie Reverendissime,

Tres humble et très obéissant filz et serviteur

Favre.

De Paris, en l’hostel de Nemours, ce 28 mars 1602.

Revu sur le texte inséré dans le II' Procès de Canonisation.

2

Monseigneur,

Je me sens obligé par double devoir, en l’absence de monsieur le Prévost mon frere, vous donner advis de sa santé, et quil est allé des hier a Fontainebleau vers le Roy, pour tirer de Sa Majesté quelque bonne resolution avant qu’elle parte pour aller a Blois, *Cf.tom. XII,Epis t. ou l’on tient qu’elle va bientost. CLV, CLVI.

Vous ne pourriez croyre, ny moy vous dire combien tous les princes et princesses de la Cour favorisent mon Frere pour les merites qu’ilz reconnoissent en luy, et pour la réputation que luy ont acquise tant de belles et doctes prédications quil a faictes aux plus celebres lieux de ceste ville en ce Caresme et en ces festes de Pasques. En somme, il est tenu pour le premier prédicateur que la France ayt eu des long temps en ce grand theatre, et plusieurs pensent que le Roy ne le laissera poinct venir quil ne Paye faict prescher devant luy ; ce que je desirerois, comme font aussy plusieurs autres, m’asseurant que cela donneroit beaucoup de credit a sa négociation, delaquelle ne pouvant vous escrire autre pour le présent, je ne feray ceste plus longue, sinon pour vous baiser très humblement les mains et prier Dieu quil vous doint, Monseigneur, en santé, longue et contante vie.

Vostre très humble et très obéissant filz et serviteur,

Favre.

De Paris, ce 10 avril 1602.

Monsieur m’a commandé de l’attendre icy ; cela m’en fera partir plus tard, mais j’espere que pour tout le mois de may je pourray avoir ce bonheur d’estre près de Vostre Seigneurie Reverendissime.

Revu sur le texte inséré dans le II" Procès de Canonisation. Quatre jours après, le dimanche de Quasimodo, saint François de Sales prêcha en effet devant Henri IV qui « monstra d’en avoir eu du contentement. » (Lettre du Saint à M61 de Granier, 18 avril, tome XII, p. 109 ; cf. P. 115.)

II

lettre de messieurs milletot et de brosses M