Sentence au sujet d’un différend entre le curé des ollières et aviernoz, et trois de ses paroissiens
27 juin 1613
Sur le different d’entre messire Joan Puget, prebstre, Cure des Ollieres et son annexe d'Aviernoz, demandeur en paiement de premice, et Pierre Crud, Anthoenne Vittet et Blays Delachinal, deffendeurs W :
Nous, François de Sales, Evesque et Prince de Geneve, appres avoer entendu les parties respectivement et considéré leurs demandes et defences, et que lesdictz deffendeurs sont demeurés d’accord et ont spontaneement confessé la coustume estre et avoer esté inviolablement observé riere les villages du Jourdil, les Costes et Pussye, dependantz dudict Aviernoz, que la premice se paye par les habitantz desditz trois villages en temps de moisson, sçavoer : une bonne gerbe froment, pour ceulx qui ont charrue, et des aultres qui n’en n’ont point une gerbe froment mediocre, a forme que paient tous les parrochiens desdictes Ollieres. Et quant aux deux villages d'Aviernoz et Le Vuaz, ledict sieur Curé perçoit de tous y habitantz et faisantz feu W, sçavoer : un quart de froment, messure d’Annessy, de ceulx qui ont charrue entière ; et pour ceulx qui n’ont que demy charrue, demy quart ; et de ceulx qui n’en ont point, une quarte : le tout, messure susdicte. Et lesquelles prémices s’admodient de toute ancienneté avec les diesmes.
Avons, en suitte de telle coustume et possession inviolablement observee, ordonné et ordonnons : Que ledict Pierre Crud et Anthoenne Vittet continueront paier ladicte pre-rnice dont est question, a raison d’une gerbe mediocre, pour n’avoer lesdictz deffendeurs aulcongs bœufz quant a présent ; conformement a ladicte coustume de tous temps observé esdictz villages des Costes, Pussye et Le Jourdil, comme ceulx desdictes Ollieres, ainsy que sus est dict. Et le tout, sans Nous arrester aux Visites prodhuittes la par lesdictz deffendeurs audiet proces, heu esgard a l’Ordonnance sur ce rendue par le sieur Nostre Vicaire general, par Nous a ce delegué, en datte du vingtiesme aoust mil six centz et douze ; laquelle Ordonnance Nous avons approuvé, et de nouveau, entant que de besoeng, approuvons. Et ordonnons que, sans s’arrester ausdictes Visites, tous les habitantz desdictz villages paieront la premice, suyvant ladicte ancienne coustume sans aulcune interruption observé jusque a ce jourdhuy ; et que tel amendement sera apposé sur le Registre de Nous (sic) Visites par Nostre greffier, auquel est enjoinct de n’expe-dier cy appres aulcong extraict, sinong a forme de Nostre présente Ordonnance et amendement.
Et entant que concerne ledict Blais de Lachinal, qu’est parrochien desdictes Ollieres, avons ordonné et ordonnons quil continuera le paiement de ladicte premice, comme font les aultres parochiens dudict lieu, sçavoer : aiant charrue, une bonne gerbe froment ; et ceulx qui n’en ont point, une gerbe froment mediocre, ainsy qu’est pourté par les Visites faictes en la parroesse desdictes Ollieres.
A laquelle sentence et Nostre présente Ordonnance les parties ont respectivement acquiescé ; despens entre les parties compensez.
Faict et prononcé au palais de Nostre résidence ordi-nayre b), Annessy, ce jour vingt septiesme juing mil six centz treze.
Franç8, E. de Geneve.
Thomas (»).
Des Boys.
Revu sur le texte inséré dans le Registre des Visites pastorales de 1606 et 1610,
conservé aux Archives départementales de la Haute-Savoie, Série G.
Premièrement : Monseigneur, Vostre Rme Paternité cest (sic, pour sait) très mieux que, aultre fois, ies quattres cures d’embas du mandement de Flumet estoint annexeé ensemble et posedee par un mesme recteur, comment estoint feu Monsieur le Protenotaire de Savoye W et autres ; et lesdictes cures furent d’annexeé par feu Monseigneur Claude de Granier, que Dieu absolve, Au reste, a cause que lesdictes cures estoint possédée par des seigneurs maistres, lesqueiz ne faisoint residance au lieu, qu’a occasioné confusion entre les parroissiens et parroisses au passé, aujourduy encoure ce practique. Comment entendre, par appres, nonobstant la d'annexation et limitation desdictes parroisses ? car ceux qui estoint procédé a longo tempore de Flumet, ou bien de La Giete, estant venu habiter riere la parroisse dudict Sainct Nycolas, auquel lieu fontz residance continuelle et sont tous leurs moyens terriens, nonobstant ce, n’ontz laisé et laisent de continuer d’estre toujour parroissiens de La Giete et Flumet, desquelz lieux leurs antecesseurs sont sortis et provenu. Pour preuve, le Curé de Flumet ne faict dificulté, ou La Giete, leurs appourter le Sainct Sacrement audict lieu, sans licence aultres, et faire autre acte de curé riere ma-dicte parroisse, et moy non a lesdictes leurs.
De plus, grande confusion entre ces parroissiens et grand scan-dalle pour les miens ; car, y lia envyron trois ans, que certains desdictz parroissiens furent reprins par la justice temporelle a cause qui labouroint le jour du Patron dudict lieu. Lesdietz viendrent trouver le Curé de Flumet (ri, affin que ledict les garentice d’estre châtiés ; et pour leurs defences disoint quilz l’avoint bien labouré d’aultre fois riere ledict lieu audict jour, sans avoir esté reprins de personne.
Par appres, grande confusion a Pasque, car l’on ne sçait qui faict le debvoir de bon catholique, et, in conscientia, je ne sçait qui est mon parroissien, pour cause que checung faict a sa faintasie et volonté.
En oultre, pour le regard des grangiers dudict lieu, car y nya qu’ilz ontz demouré en grangeage riere ledict lieu toutte leurs vies ; pour cella n’ontz voullu et ne veullent recognoistre le Curé dudict lieu en point de façon que ce soit. Je sçait qu’Ta] occasioné cella : c’est que les Curés mes antecesseurs ne ce sontz adressés vers leurs- Supérieurs pour y faire mettre de l'ordre.
En vérité des choses prémisses, me suis icy bas subscript et signés,
Monseigneur,
Vostre bien humble et hobeissant filz,
Marin (ri.
A Flumet, ce 16 julliet 1613.
(!) Response aux articles ci devant escritz
Au premier : Les habitans et manans en la parroisse de Saint Nicolas, quoy qu’eux ou leurs prædecesseurs ayent prins leur origine ou soyent extraitz des parroisses de La Giete ou Flumet, sont obligés rendre leurs devoirs parrochiaux en ladite parroisse Saint Nicolas, en laquelle de présent ilz font leur séjour et demeure : ce que Nous leur enjoignons.
Au 2d article : Les habitans et manans de la parroisse Saint Nicolas sont obligés observer les festes du Patron et de la Dédicacé, et autres festes légitimement establies en la parroisse de leur dite habitation, sous peyne de péché et de reprehension juridique.
Au 3e : Lesdits habitans ne rendent (sic) leur devoir a Pasques en leur ditte parroisse, et s’addressans ailleurs sans la licence de leur Curé ou la Nostre, doivent estre chastiés et repris comme perturbateurs de l’ordre ecclesiastique, et ne doivent estre tenus pour avoir satisfait au commandement de l’Eglise.
Au 4e est respondu comm’au premier, attendu que telz grangers sont habitans et manans de ladite parroisse.
A Neci, le xxn julliet 1613.
Franç®, E. de Geneve.
Revu sur l’Autographe conservé au presbytère de Saint-Nicolas-la-ChapelIe
(Savoie).
XXXIV
Sentence touchant les différends entre les habitants du village Saint-robert et les autres paroissiens de montcel
8 avril 1614 (*)
(minute)
Es differens qui estoyent entre les habitans du vilage Saint Robert, parroisse de Moncel, d’une part, et les autres parroissiens dudit Moncel d’autre part, pour le regard de l’entretenement, réfections et réparations a faire dores en avant tant en l’eglise parrochiale dudit Moncel qu’en la nef de la chapelle Saint Robert : veu les actes de Nostre Visite, et les parties ouÿes en tout ce qu’elles ont voulu dire, en la personne...................................... ......................................
Nous avons esté d’advis et avons dit : Qu’attendu que les habitans Saint Robert sont parroissiens de Moncel, rece-vans mesme le saint Sacrement de Baptesme en l’eglise dudit Moncel et non a Saint Robert, ou aussi il ny a aucuns fons baptismaux, ilz contribueront, ainsy que les autres parroissiens dudit Moncel, aux entretenemens, réfections, réparations et ammeublemens de l'eglise parrochiale dudit Moncel ; comme réciproquement, les autres paiToissiens dudit Moncel contribueront a l’entretenement, réparation et réfection de la nef de la chapelle Saint Robert, ensemblement et semblablement avec les habitans du vilage Saint Robert, en cas que ledit entretenement de ladite chapelle soit a la charge desdits habitans, et non du prieuré Et ce, selon l’offre volontairement fait auxditz habitans du vilage Saint Robert par les autres parroissiens de Moncel.
Revu sur l’Autographe conservé à la Visitation d’Annecy.
( i) Fondé par des moines Bénédictins de l’abbaye de Saint-Robert-sous-Cornillon,près de Grenoble, ce prieuré remontait à la fin du XI*siècle ou au commencement du xn«. Il était situé sur un petit mamelon, d’où la vue s’étend très au loin ; peu à peu, plusieurs particuliers vinrent fixer leur demeure dans ses alentours et formèrent le village de La Chapelle qui existe encore. A leur arrivée, les Bénédictins furent seuls chargés des offices divins ; mais à mesure que le nombre des fidèles augmenta dans le territoire de leur juridiction spirituelle, ils bâtirent d’autres chapelles qui sont ensuite devenues églises paroissiales. Le relâchement qui infecta la plupart des couvents de la Savoie au xvie siècle atteignit aussi le prieuré de Saint-Robert ; le procès-verbal de la visite qu’en fit M»r de Granier le 7 juillet 1581 atteste sa pauvreté morale et matérielle : les moines avaient disparu, il ne restait plus qu’un prieur commenda taire pour percevoir les revenus, et ce prieur était, à cette époque aussi, en contestation avec le curé de Montcel, soit pour le culte divin, soit pour les réparations nécessaires.
De 1610 à 1633, François de Garcin tint le prieuré en commende ; c’est donc lui que saint François de Sales obligea, le 8 avril 1614, à admettre l’ancienne transaction relative au service de la chapelle, ou bien à y pourvoir. Suivant cette transaction (voir lieu cité à la note ci-dessus), le prieur devait « dire Mattines et autres Heures canoniales et une Grande Messe les jours solemnes, et celebrer une Messe les jours de dimenches, » de laquelle, cependant, il avait chargé le curé de Montcel, s’engageant à lui payer « quattorze paires de bled ». Dans sa sentence de 1614, notre Saint ajoute, que si le prieur veut s’acquitter lui-même de ses fonctions, il lui est toutefois interdit d’administrer les Sacrements, de faire les sépultures, de recevoir des offrandes qui appartiennent au curé comme ayant seul le soin des âmes. (D’après Dufourd, Notice sur la Bâtie d'Albanais, le Prieuré de Saint-Robert et Montcel, Annecy, Burdet, 1871.)
XXXV
SUPPLIQUE DE M. NICOLAS CLERC, CURÉ DE SAINT-FÉLIX
TOUCHANT LA PROCESSION MENSUELLE DES CONFRÈRES
Chapter 7 of 59