Reigles du gouvernement (economique

Reigle lrc

De l'office et charge d'un chascun

L’on assignera, selon le talent d’un chascun, son office ou charge particulliere, pour le y faire valoir et eviter confusion, oultre laquelle il s’employera es aultres choses selon ses forces et industrie.

Reigle H™

Du Supérieur et de l’obeissance a luy deüe

Les Peres hermites obéiront, comme a leur legitime Supérieur commis par Monseigneur Reverendissime, au P. Jehan du Verney, prebstre, en touttes choses justes et conformes aux Reigles présentes, et luy a Monseigneur.

Reigle IHme

De la correction des fautes et accusations reservee a Monseigneur

A ceste fin, ilz se sousmettent volontairement a la correction raisonnable de leur Supérieur ; en choses de quelque importance, neantmoins, reservée a sa Seigneurie Reverendissime, a laquelle sera permise accusation réciproque entre le Supérieur et ses inferieurs, estant la faute ou la correction intolérable ou escandaleuse, ou sans amandement. Auquel cas l’on luy renvoyera, avec le sceu de tous les Peres et relation véritable du delict, celuy qui en sera accusé, afin qu’il s’en puisse librement purger, sans forme ny figure de proces, et moins tergiverser en cas qu’il soit convaincu ; crai-gnans, et les uns et les autres, d’interpeller indiscrètement Monseigneur.

Reigle IV"“

Des livres des comptes des affaires (économiques

L’on tiendra Livre de raison des affaires dudict hermitage, et spécialement de tout ce qu’on questera, recevra, despendra et contractera de quelque importance, de et avec qui que ce soit, et sur tout pour l’édification du peuple.

L’on tiendra un petit Livre a part, des Messes qu’on aura charge de dire, afin qu’on y satisface.

Reigle Vmc

De la queste du bled et du vin

Tous les Freres seront obligés a la queste du bled et du vin, et chascun d’eux revenant, déclarera soubz serment ce qu’il aura trouvé, pour l’escrire audict Livre de raison et l’assembler proche de l’hermitage, au lieu et maison la plus commode et asseuree que faire se pourra.

Reigle VI™

De l’advis requis es affaires

L’on n’entreprendra rien d'importance, principalement bastir, vendre et achepter et les semblables, sans l’advis de tous les Freres.

Reigle VII™

De la réception d’aultres Freres hermites

L’on ne recepvra plus personne pour Frere ou messagier sans le consentement de tous les Freres, advis du Reverend Surveillant qu’il plaira a Monseigneur de leur donner, et sur tout commendement de sa Seigneurie Reverendissime.

Reigle VIII™

Du conge' des Freres

Et puisque contrariorum eadem est disciplina (), nul des Freres ja nommés et receus, ny autre qui le soit de semblable chemin, ne pourra estre congédié ou privé que par la mesme voye de ladicte réception, et pour fautes sans espoir d’amendement, ou scandale irréparable et grave, appres touttefois que la clemence de Monseigneur Reverendissime les aura ouy, et autant de fois qu’elle les aura jugé dignes, absous. Pour ce, a elle seule appartiendra l’interlocutoire en la definitive sentence, pour ne rendre la condition desdicts Hermites ridicule et plus sordide que celle des plus abjects valets du monde, et ce sainct lieu mesprisable et malheureux par default d’affection.....

Reigle IX™

De l’Inventaire des biens

L’on tiendra un Inventaire de tous les biens, meubles et immeubles de l’hermitage, présents et advenir, et tout ensemble de lieux, alienation, changement ou diminution.

Reigle X™

De la maniéré de faire la charité corporelle

aux séculiers visitans l’hermitage, et du repas ordinaire

et a part des Freres

Parce que la quallité du lieu requiert que lesdictz Hermites

(*) les contraires se règlent de la même manière reçoivent en leur maison et donnent a manger, au moins quant au disner, a toutte sorte de personne de l’un et l’autre sexe, l’un d’eux leur portera ce qui sera jugé convenable, et aussy tost appres se retirera vers les autres Freres pour prendre a part avec eux leur repas, sauf si le R. Jehan du Vemey estime a propos de leur faire luy mesme compagnie ; fuyans, et les uns et les autres au possible, la conversation dangereuse et le trop de familiarité des femmes.

Reigle XI™

De la qualité du pain des Freres

Le pain s’y fera d’une seule sorte et médiocrement bon pour tous les Freres, sauf celuy du mesnaige, meslant avec le froment le reste des bleds qu’on trouvera, afin d’en pouvoir donner, selon leur costume, aux honnestes gens qui la hault en sont bien souvent despourveus, se chargeant un chascun le moins qu’il peult pour monter la montagne. "

Reigle XIIme

De la portion d’un chascun

Le Frere hermite despencier balliera, sans se le faire demander, a celuy des Freres qui montera ou descendra la dicte montagne, pour supporter le grand travail qu’il y a, demy pot de vin, mesure de Geneve approchant de la chopigne des lieux voysins ; et au repas ordinaire, la moytié, ou deux verres honnestes, jusques a l’edifice parfaict, et lors le luy délivrera complet. Durant ce temps la, l’on mettra la pitence en commun, mais en cestuy cy les portions se diviseront ; le pain y sera selon le besoing et a la discrétion d’un chascun.

Reigle XIII™

De la détermination et application du reliqua, et de l’advis

et prudence requise a icelles

Chasque an révolu et environ les testes de Pasques du prochainement suyvant, les questes du bled et vin de cestuy cy faictes assemblées, comme dict est, les Freres dresseront et rendront entre eux mesmes les comptes du receu, du despendu, et détermineront le reliqua (si poinct y en aura) de l’année precedente ; et communiqueront appres le tout audict Reverend Surveillant, afin d’adviser ce a quoy il sera le mieux employé, au cas qu’on ait assez trouvé pour passer la suyvante.

Reigle XIV™

De l'habit et forme d’iceluy desdicts Hermites

L’habit desdicts Hermites sera de drap blanc de pays ou des circonvoisins, selon la forme ou façon differente des Ordres religieux qu’il plaira a Monseigneur Reverendissime leur assigner ; l’exigeant leger, le monter et descendre de telle montaigne, et la queste aussy, pénibles, tout ainsy que de peu de prix, la profession d’hermite mendiant.

Reigle XV™

Du dict habit et chausser

Le lieu, pour sa hauteur excessive, extrêmement froid, et la plus part de l'hiver tellement couvert de neige qu’on y monte et descend au péril de la vie, de soy mesme atteste qu’on n’y peut aller deschaussé et mal vestu ; c’est pourquoy les Hermites se chausseront et vestiront le moins mal et avec le meillieur mesnaige qu’il leur sera possible, accommodé a leur profession.

Reigle XVI™

Pour l’observance desdictes Reigles, avec les exceptions suyvantes, l’on lira le présent Project en presence de tous les Freres en lieu de récréation, chasque premier Dimanche du mois, l’apres disner.

Exceptions des dictes reigles

Exception Ire universelle sur touttes les Reigles de pieté

Durant l’edifice imparfaict, empeschans les Reigles de pieté susescrites les Freres de coopérer en choses ausquelles l’employer leurs forces et industrie est un grand jeusne, discipline et cilice, non moins que le monter et descendre, ilz en seront dispencés par ledict Reverend Jehan du Vemey, et luy par soy mesme ; et s’il est absent, par le dictamen de leurs consciences, les autres pareillement.

Exception II™ universelle sur touttes les Reigles

En cas de maladie, chasque Pere se dispensera, en l'absence de son Supérieur ; ou, en sa presence, sera par luy dispencé de l’obligation susdicte, pour raison de touttes les Reigles au dictamen de sa conscience, sans qu’il conçoive scrupule ny encoure peyne aucune.

Exception III™ sur le concours des jeusnes de conseil

avec ceux de precepte

Se rencontrans les jours des jeusnes extraordinaires avec les commandés de l’Eglise, s’ilz arrivent a un mesme jour, l’on n’usera de poinct de translation, ains satisfaisant a celuy de precepte l’on aura satisfaict a celuy de conseil ; mais s’ilz se rencontrent deux au vendredy et samedy, seront observés. Si en autres jours, pour eviter le concours de trois, l’un d’eux de conseil se transposera au samedy ; de l’un aussy desquelz, si quattre jeusnes s’entresuivent, l’un sera relevé, de façon qu’on en retienne autant d’interrompus chasque sepmaine par autres non obligatoires, hormis le cas susdict du vendredy et samedy.

Exception IVme sur les jours de Communion extraordinaire

Les jours des festes obligatoires a la Confession et Communion s’entresuivans immédiatement, suffira d’observer la Reigle en l’un des principaux, si mieux l’on n’ayme le faire, quant a l’autre, a la veille ; s’ilz seront interrompus d’un autre jour, l’obligation de la Reigle a tous les deux demeurera a son entier.

Exception Vmc sur la Confession et Communion

Hors de l’hermitage, chasque Frere se conduira en ce selon le dictamen de sa conscience ou commodité qu’il en aura.

Approbation desdictes Reigles

d’un Théologien commis par Monseigneur

Et au bas, celle de sa seigneurie reverendissime

Nous, Pierre François Jay, Chanoine et Théologal de l’Esglise cathédrale ■de Sainct Pierre de Geneve, avons leu diligemment les dictes Reigles par le commandement de Monseigneur le Reverendissime Evesque, et Prince de Geneve, esquelles n’avons rien trouvé qui ne soit conforme a la doctrine de l’Esglise Catholique, Apostolique et Romaine, et aux bonnes mœurs, voire grandement faisant, autant que nous le pouvons entendre, a la perfection de la vie heremi tique.

En foy de quoy avons soubsigné ce présent escrit, ce neufviesme may mille six centz vingt.

François Jay.

Décret d’approbation

DE MONSEIGNEUR REVERENDISSIME EVESQUE ET PRINCE DE GENEVE

Nous avons approuvé ce Projet, sauf a y adjouster ou changer ainsy que, selon Dieu, Nous verrons a faire cy apres.

Annessi, le 9 may 1620. .

Franç8, E. de Geneve.

Voir tome XVI, note, p. 229.

Profession desdictes reigles

EN MAIN DU SIEUR ET Rd SURVEILLANT DE CE SAINCT HERMITAGE

A la requisition desdictz hermites

commis par Monseigneur Reverendissime

L’année susdicte mille six centz vingt, et le quinziesme du mois de juing, audict Hermitage, en presence de nous, Jean Louis Questan, docteur en théologie et Chanoine de l’Esglise cathédrale de la ville de Geneve, a la réquisition desdicts Hermites commis Surveillant dudict sainct lieu par Monseigneur le Reverendissime Evesque et Prince de ladicte ville, et des tesmoins soubs-nommés ; personnellement constitués les susdicts quattre Hermites : Frere Jean du Verney, leur Supérieur, Jehan Grilliet, Mermet Jorand et Jehan Anthoine Rigault, ont de leur bon gré, libre et franche volunté professé les susdictes Reigles entre noz mains, pour et au nom de mondict Seigneur Reverendissime, leur vray, legitime et immédiat seigneur, maistre et protecteur très clement, en la forme suyvante :

Forme de ladicte Profession

Voulant, avec son accoustumée saigesse, Monseigneur Reverendissime faire preuve de la dévotion et constance desdictz Hermites durant deux années en l’exacte observation desdictes Reigles, pour en pouvoir appres utilement lascher ou tirer la bride selon l’exigence colligée de leur evenement, et pour ce, commandant qu’ilz ne s’obligent pas de vœu privé ny solemnel, mais seulement en leur ame de propos muable a son jugement :

Hz ont, avec ceste modération, promis et juré, promettent et jurent, par l’attouchement du sacrosaint Evangile en tel cas requis, a sa Seigneurie Reverendissime et, pour et au nom d’icelle, a nous, dict Surveillant (dheuement invoqué l’aide et grâce de Dieu, l’intercession et merites de la tousjours benite et immaculée Vierge Marie sa Mere, et de tous leurs sainctz Patrons et Court celestielle), d’avoir di-je, lesdictes Reigles et leurs consequentes et dépendantes très aggreables, fermes et stables a jamais.....

Et si bien des Reigles et Profession susdictes se colligent clairement les trois vœux de chasteté, pauvreté et obéissance d’un chascun desdictz Hermites en leur particulier (laissant leur Com-munaulté a la toutte providente et puissante main de Dieu), ilz les proposent et embrassent en la maniéré et avec la modération des mesmes Reigles, afin de s’y conformer a la volonté de Monseigneur Reverendissime, et non poinct qu’ilz pensent de s’en despartir jour de leur vie, ains de les observer et garder inviolablement.

Quant a l’habit aussy et sa forme commandée par sa Seigneurie Reverendissime, assavoir : soutane, grand et petit manteau auquel soit attaché le capuchon rond et de mediocre grandeur, en estans desjaz vestus, de la couleur et qualité assignée en la Reigle particulière d’iceluy, ilz le retiendront sans changement.

En foy et valleur immutable de ceste vérité, les sachans escrire ont soubsigné ceste Profession, et les autres y ont apposé leurs marques.

commission expresse de monseigneur reverendissime

audict sieur surveillant

POUR recevoir de sa part lesdictz hermites a la susdicte