Psalmus XLII. Deprecatorius et consolatorius

PSALMUS XLII. DEPRECATORIUS ET CONSOLATORIUS.

Ejusdem argumenti. Inter infideles agens, Jerusalem et tabernaculum desiderat, eaque spe afflictum animum ac prope jam deficientem erigit. Sine titulo in Hebr.

VERSIO VULGATA.

Psalmus David.

1. Judica me, Deus, et discerne causam meam de gente non sancta ; ab homine iniquo et doloso erue me.

2. Quia tu es, Deus, fortitudo mea, quare me repulisti ? et quare tristis incedo, dum affligit me inimicus ?

3. Emitte lucem tuam et veritatem tuam ; ipsa me deduxerunt, et adduxerunt in montem sanctum tuum, et in tabernacula tua. VERSIO S. HIERONYMI.

Judica me, Deus, et discerne causam meam de gente non sancta (a) ; a viro iniquo et doloso salva me.

Tu enim (b), Deus, fortitudo mea, quare projecisti me ? quare tristis incedo, affligente inimico ?

Mitte lucem tuam et veritatem tuam ; ipsa ducent me, et introducent me ad montem sanctum tuum, et in (c) tabernaculum tuum. 1. Discerne... : litem meam cum gente impia dirime ; vel meam causam age. 3. Deduxerunt : Hier. deducent.

(a) Var. : [ Hebr. immisericorde.] — (b) Add. es. — (c) Et ad.

4. Et introibo ad altare Dei, ad Deum, qui lætificat iuventutem meam.

Confitebor tibi in cithara, Deus, Deus meus :

5. Quare tristis es, anima mea, et quare conturbas me ?

Spera in Deo, quoniam adhuc confitebor illi : salutare vultus mei, et Deus meus. Et introibo ad altare Dei, ad Deum lætitiæ et (a) exultationis meæ, et confitebor tibi in cithara, Deus, Deus meus.

Quare incurvans, anima mea, et quare conturbas me ?

Expecta Dominum (b) , quoniam adhuc confitebor ei, salutibus (c) vultus mei, et Deo meo. 4. Deum, qui latificat : Hier. Deum lætitiæ, etc, quæ in idem recidunt ; in juventute autem, fervor et animi novitas, qua excitatus animus juvenescere et revirescere se sentit. Confitebor tibi in cithara : arrepta, pro more, instrumento musico, tum cupiditatibus in concentum temperatis, quæ vera est musica.

(a) Var. : Deest et— (b) Deum. — (c) Salutaribus.