Psalmus XLVII. Eucharisticis

PSALMUS XLVII. EUCHARISTICIS.

Jerusalem sancta et a Deo protecta, fuso Sennacheribo. IV Reg., xviii, xix, et II Paral., xxxii.

VERSIO VULGATA.

1. Psalmus cantici filiis Core secunda sabbati.

2. Magnus Dominus, et laudabilis nimis : in civitate Dei nostri, in monte sancto ejus.

3. Fundatur exultatione universæ terræ mons Sion, latera aquilonis, civitas Regis magni.

4. Deus in domibus ejus cognoscetur, cum suscipiet eam.

5. Quoniam ecce reges terræ congregati sunt : convenerunt in unum.

6. Ipsi videntes sic admirati sunt, conturbati sunt, commoti sunt :

7. Tremor apprehendit eos. Ibi dolores ut parturientis.

8. In spiritu vehementi conteres naves Tharsis. VERSIO S. HIERONYMI.

Canticum Psalmi filiorum Core.

Magnus Dominus, et laudabilis nimis ; in civitate Dei nostri, in monte sancto ejus (a) .

Specioso germine (b) gaudio universæ terræ, monti Sion, lateribus aquilonis, civitatulæ Regis magni.

Deus in domibus ejus ; agnitus est in auxiliando.

Quia ecce reges congregati sunt ; venerunt (c) simul.

Ipsi videntes sic obstupuerunt ; conturbati sunt, admirati sunt.

Horror possedit eos ibi, dolor (d) quasi parturientis.

In vento uredinis, confringes naves Tharsis. 1. Secunda sabbati : deest Hebr. Filiis Core : qui non tantum sub Davide, sed etiam diutissime sub secutis regibus ipsoque Ezechia, cantandi officio præfuerant, II Par., xx, 19 ; xxxi, 14.

3. Fundatur exultatione : universa terra, maxime vero terra Israelis exultat, firmato monte Sion ; at Hier. specioso germine, etc. Εὐρίζων. Septuaginta, quod est, firmis radicibus : unde Vulgata vertit : fundatur : Hebr. vero pulchro situ, sive, ut aiunt, climate. Latera aquilonis ; sic designatur Jerusalem : Sedebo in monte testamenti, in ipso templi loco, in lateribus aquilonis ; in ipsi urbe Jerosolyma, Isa., xiv, 13. Civitas Regis magni : Dei scilicet : sic en in vocatur a Christo, Matth., v, 35 ; sensus ergo est : Mons Sion, in cujus aquilonari latere, Jerusalem urbs magni Regis est, seu ipsius Dei, elegans est regio, gaudium, atque ornamentum universæ terræ.

4. In domibus . · Hebr. palatiis. Cognoscetur : Hier. cognitus est. Cum suscipiet... Hier. in auxiliando, Deus in ea notus est auxiliis quæ ipsi præbuit.

5. Reges : Sennacheribo subditi vel fœderati. Terræ : deest Hebr. Convenerunt in unum : Hebr. transierunt simul, flumen Euphratem.

6. Ipsi videntes, qua vi Deus tueatur Jerusalem, admirati sunt, etc.

7. Ibi dolores : distingue, ut apud Hier. horror possedit eos ibi ; dolor quasi parturientis, cæsis scilicet repente exercitibus.

8. In spiritu vehementi... naves Tharsis : magni maris. Sensus est : Qualis

(a) Var. : Suo. — (b) Germini. — (c) [ Hebr. transierunt.] — (d) Al. dolores.

9. Sicut audivimus, sic vidimus in civitate Homini virtutum, in civitate Dei nostri : Deus fundavit eam in æternum.

10. Suscepimus, Deus, misericordiam tuam, in medio templi tui.

11. Secundum nomen tuum, Deus, sic et laus tua in fines terræ : justitia. plena est dextera tua.

12. Lætetur mons Sion, et exultent filiæ Judæ, propter judicia tua, Domine.

13. Circumdate Sion, et complectimini eam : narrate in turribus ejus.

14. Ponite corda vestra in virtute ejus, et distribuite domos ejus, ut enarretis in progenie altera. Sicut audivimus, ita vidimus in civitate Dei (a) exercituum, in civitate Dei nostri ; Deus fundavit eam usque in æternum (b) . Semper.

Æstimavimus, Deus, misericordiam tuam, in medio templi tui.

Secundum nomen tuum, Deus, sic laus tua usque in extremum terræ ; justitia repleta est dextera tua.

Lætetur mons Sion, exultent filiæ Judæ, propter judicia tua.

Circumdate Sion, et circuite eam, numerate turres ejus.

Ponite cor vestrum in manibus (c) ejus ; separate palatia ejus, ut enarretis in generatione novissima. ventus vehemens conterit naves magni maris, talis est Dei vis tuentis Jerusalem et hostilem exercitum dissipantis.

9. Sicut audivimus : prophetia Isaiæ videtur hic notari, sensusque est : Sicut audivimus ab Isaia prophetatum, fore ut obsidio mirabiliter solveretur, ac Sennacheribi dux Rabsaces, ejusque exercitus cæderetur ; sic impletum vidimus Isa. , xxxvii, 21 ; et IV Reg., xix, 20, etc. Qua figura cœlestis Jerusalem incolæ

et ipsi canunt : Sicut audivimus, ex auditu fidei, Gal., iii, 2, 5, sic vidimus, jam sublato velo, atque aperta Dei facie. Deus fundavit eam... nihil habet metuendum, tanto exempta periculo. Prophetice, de Ecclesia fundata super petram ideoque inconcussa, Matth., xvi, 18. Præclare Augustinus hic : « Sed forte ista civitas quæ mundum tenuit (Ecclesia catholica) aliquando evertetur. Absit : Deus fundavit eam in æternum. Si ergo eam Deus fundavit in æternum, quid times ne cadat firmamentum ? » (In Psal. xlvii, n. 7. )

10. Suscepimus... misericordiam... in medio templi tui. Prophetia Isaiæ salutem pollicentis delata est in publico cœtu ad Ezechiam in templo orantem Isa. xxxvii, 14.

H. Secundum nomen tuum... Quanta est excellentia nominis tui tanta et laus tua ubique diffunditur.

12. Exultent filiæ Judæ : oppida vicina Jerosolymis, quorum urbs sancta metropolis, ac more Hebræorum, ea liberata, ad exultationem merito provocantur.

13. Complectimini... Hier. circuite. Narrate... Hier. numerate turres.

14. In virtute... Hier. in manibus ejus. Distribuite domos ejus : dividite vos ad eas spectandas, quasi civitate in partes distributa : Hebr. attollite palatia ejus. Videte quam excelsa sint ; admiramini quam integra et illæsa sint omnia turres, muri, domus, post tantam vim hostilem.

(a) Var. : Domini. — (b) [ Hebr. sæculum.] - (c) Moenibus [ Hebr. in virtute.]

15. Quoniam hic est Deus, Deus noster in aeternum, et in sæculum sæculi : ipse reget nos in sæcula. Quia ipse est Deus, Deus noster in sæculum, et in perpetuum ; ipse erit dux noster in morte (a). 15. In sæcula : Hebr. super mortem : usque ad mortem. (a) Var. : Mortem [ alias in sæcula.]