Psalmus LXVI. Deprecatorius

PSALMUS LXVI. DEPRECATORIUS.

Populus Deo tutore lætus, accinere sibi gentes omnes, ejusdemque cultus participes fieri optat.

versio vulgata.

In finem, 1. In hymnis, Psalmus Cantici David.

2. Deus misereatur nostri, et benedicat nobis : illuminet vultum suum super nos, et misereatur nostri.

3. Ut cognoscamus in terra viam tuam, in omnibus gentibus salutare tuum.

4. Confiteantur tibi populi, Deus : confiteantur tibi populi omnes.

Lætentur et exultent gentes : quoniam judicas populos in æquitate, et gentes in terra dirigis.

6. Confiteantur tibi populi, Deus : confiteantur tibi populi omnes :. 7. terra dedit fructum suum.

Benedicat nos Deus, Deus noster, 8. benedicat nos Deus : et metuant eum omnes fines terræ. VERSIO S. HIERONYMI.

Victori, in Psalmis (a) Canticum carminis.

Deus misereatur nostri, et benedicat nos : illustret faciem suam super nos. Semper.

Ut nota fiat in terra via tua ; in universis gentibus salus tua.

Confiteantur tibi populi, Deus ; confiteantur tibi populi omnes.

Lætentur et laudent gentes, quoniam judicas populos in æquitate, et gentium quæ in terra sunt ductor es sempiternus (b).

Confiteantur tibi populi, Deus, confiteantur tibi populi omnes.

Terra dedit germen suum. Benedicat nos (c) Deus, Deus noster.

Benedicat nobis Deus, et metuant (d) eum omnes fines terræ. 1. David : deest Hier.

2. Et misereatur nostri : desunt Hier. et Septuaginta ; primus autem Me versus desumptus est ex Num., vi, 24, etc, et erat solemnis formula, qua sacerdotes conceptis verbis populo benedicerent.

3. Dedit fructum... cum et universæ gentes ad Deum convertentur, et electi abundabunt bonis operibus, rerumque omnium copia.

(a) Var. : [ Hebr. carminibus.] — (b) Semper. — (e) Nobis. — (d) Metuant.