Skip to the text
Ember
PT

Psalmus XLVI. Laudis et exultationis : propheticus

PSALMUS XLVI. LAUDIS ET EXULTATIONIS : PROPHETICUS.

VERSIO VULGATA.

  1. In finem, pro filiis Core Psalmus.

  2. Omnes gentes, plaudite manibus : jubilate Deo in voce exultationis. VERSIO S. HIERONYMI.

Victori, filiorum Core Psalmus (a) .

Omnes populi, plaudite manibus ; jubilate Deo in voce laudis. 1, Gentes : Hier. populi, sic vers. 4, qua voce etiam gentes sive ethnici comprehenduntur, ut patet ex vers. 9. Jubilate Deo : jubilus ἀλαλασμὸς, vox vincentis : triumphalis hymnus cum tubarum clangore, Theodor. hic et alibi passim ; quod et Deo triumphator !, et mortis victori Christo congruit ; voce etiam Evangelii longe lateque pervagata.

(a) Var. : Canticum.

  1. Quoniam Dominus excelsus, terribilis : rex magnus super omnem terram.

  2. Subjecit populos nobis, et gentes sub pedibus nostris.

  3. Elegit nobis hæreditatem suam, speciem Jacob quam dilexit.

  4. Ascendit Deus in jubilo, et Dominus in voce tubæ.

  5. Psallite Deo nostro, psallite : psallite regi nostro, psallite.

  6. Quoniam rex omnis terræ Deus : psallite sapienter.

Regnabit Deus super gentes : Deus sedet super sedem sanctam suam.

  1. Principes populorum congregati sunt cum Deo Abraham : quoniam dii fortes terræ vehementer elevati sunt. Quoniam Dominus altissimus, terribilis ; rex magnus super omnem terram.

Congregavit populos subter nos, et tribus (a) sub pedibus nostris.

Elegit nobis hæreditatem nostram ; gloriam (b) Jacob quam dilexit. Semper.

Ascendit Deus in jubilo, Dominus in voce buccinæ.

Canite Deo, canite : canite regi nostro, canite (c) .

Quia rex universæ terræ Deus ; canite erudite.

Regnavit Deus super gentes ; Deus sedet super thronum sanctum suum.

Principes populorum congregati sunt, populus Dei Abraham : quoniam dii, scuta terræ, vehementer elevati (d) sunt. 5. Elegit... hæreditatem suam : Hier. nostram, terram quam nobis in hæreditatem dedit ; hanc elegit nobis pulcherrimam, lacte ac melle manantem : studio et consilio, non casu aut forte oblatam. Speciem Jacob : Hier. gloriam. Eadem vox Hebr. Amos, viii, 7, ubi Vulgata vertit superbiam Jacob, id est gloriam Jacob : ipsam Jerusalem qua maxime Israeliticus populus gloriatur.

  1. Ascendit Deus : ascendit arca in Jerusalem cum cantu. Prophetice, ascendit Christus in cœlum ; non dicit assumptum, tanquam alienis viribus, sed ascendit vi sua, Chrys.

  2. Psallite sapienter : Hier. erudite, sive ipsa carmina, sive artem canendi spectes.

  3. Principes populorum : gentium. Congregati sunt cum Deo Abraham : Hebr. cum populo Dei Abraham. Principes universi orbis cum populis suis undique congregati, ut per Evangelium cum Abramidis catholicam conflent Ecclesiam. Congregati sunt ut sint populus Dei Abraham, quod magis congruit, Hier. Dii fortes terræ... Dei est protectio terræ : Hebr. vehementer elevatus est, Dei fortes (Θεοῦ, genitivo casu) valde elevati sunt super terram, Septuaginta Israelitæ scilicet, quos Deus roborat. Pro Dei, genitivo casu, repositum dii nomine plurali ; hinc Vulgata : Dii fortes terræ : sensusque sit : ille populus Dei, illi scilicet, quos Deus facit deos et validos, valde elevati sunt ; virtutibus aucti atque honoribus.

(a) Var. : [ Hebr. plebes.]— (b) [ Hebr, Superbiam.] — (c) [ Hebr. habet ter psallite in hoc versu et semel in seq. ] — (d) Elevata.

Chapter 52 of 153