Psalmus LVI. Deprecatorius

PSALMUS LVI. DEPRECATORIUS.

Deus, omni ope destituto, certus e cœlo auxiliator.

VERSIO VULGATA.

In finem, 1. Ne disperdas David in tituli inscriptionem, eum fugeret a facie Saul in speluncam. II Reg., xxii, 1, et xxiv, 4.

2. Miserere mei, Deus, miserere mei : quoniam in te confidit anima mea.

Et in umbra, alarum tuarum sperabo, donec transeat iniquitas.

3. Clamabo ad Deum altissimum, Deum qui benefecit mihi.

4. Misit de cœlo, et liberavit me : dedit in opprobrium conculcantes me.

Misit Deus misericordiam suam, et veritatem suam, 5. et eripuit animam meam de medio catulorum leonum : dormivi conturbatus.

Filii hominum, dentes eorum arma et sagittæ : et lingua eorum gladius acutus.

C. Exaltare super cœlos, Deus, et in omnem terram gloria tua.

7. Laqueum paraverunt pedibus meis : et incurvaverunt animam meam. VERSIO S. HIERONYMI.

Victori, ut non disperdas David humilem et simplicem, quando fugit a facie Saul in speluncam.

Miserere mei, Deus, miserere mei : quoniam in te speravit anima mea.

Et in umbra alarum tuarum sperabo, donec transeant insidiæ.

Invocabo Deum altissimum, Deum ultorem meum.

Mittet de cœlo et salvabit me : exprobrabit conculcantibus me. Semper.

Mittet Deus misericordiam suam, et veritatem suam.

Anima mea in medio leonum dormivit ferocientium.

Filii hominum, dentes eorum lanceæ et sagittæ, et lingua eorum gladius acutus.

Exaltare super cœlos, Deus : in omni terra gloria tua.

Rete paraverunt gressibus meis, ad incurvandam animam meam (a) : i. Ne disperdas : me scilicet. Titulus frequens, quo admonemur Psalmum pertinere ad amoliendam iram Dei.

2. Transeat iniquitas : Hier. insidiæ.

3. Deum qui benefecit mihi : Hier. ultorem meum.

4. Misit de cœlo... misericordiam... ut est in "sequentibus, ad me liberandum : alibi : misit e cœlo auxiliatricem manum, Psal. xvii, 17.

5. Animam meam... dormivi conturbatus. Quæ enim requies agenti inter leones ? At Hier. Anima mea in medio leonum dormivit ferocientium ; tanta ex fiducia in Deum securitas inerat. Arma : Hebr. lancea.

6. Et incurvaverunt... Hier. ad incurvandam, ad prosternendum me.

(a) Var. : [ Hebr. incurvata est anima mea].

Foderunt ante faciem meam foveam : et inciderunt in eam.

8. Paratum cor meum, Deus, paratum cor meum : cantabo, et psalmum dicam.

9. Exurge, gloria mea ; exurge, psalterium et cithara : exurgam diluculo.

10. Confitebor tibi in populis, Domine, et psalmum dicam tibi in gentibus.

11. Quoniam magnificata est usque ad cœlos misericordia tua, et usque ad nubes veritas tua.

12. Exaltare super cœlos, Deus : et super omnem terram gloria tua. Foderunt ante me foveam ; ceciderunt in medium (a) ejus. Semper.

Paratum cor meum, Deus, paratum cor meum ; cantabo, et psallam.

Surge, gloria mea, surge, psalterium et cithara ; surgam (b) mane.

Confitebor tibi in populis, Domine : cantabo (c) tibi in gentibus.

Quia magna usque ad cœlos misericordia tua, et usque ad nubes veritas tua.

Exaltare super cœlos, Deus : in omni terra gloria tua. 8. Paratum cor meum : vide initium Psal. cvii.

9. Gloria mea : lingua, ut sæpe alias : vide Psal, xv, 9 ; Act., ii, 26.

(a) Var. : Medio. — (4) Expergiscere bis et expergiscar. — (c) Psallam.