Capitulum 16

Ad quas orationum species debeamus nos ipsos magis extendere.

M AGIS tamen debemus, per profectum vitæ et consummationem virtutum, expetere illas supplicationum species quæ funduntur ex futurorum contemplatione bonorum, aut ex caritatis ardore, vel certe, ut loquar humilius et juxta incipientium gradum sive mensuram, quæ Domino offeruntur pro adeptione virtutum aut exstinctione quorumlibet vitiorum. Aliter quippe nequaquam pervenire poterimus ad sublimiores supplicationum species jam præfatas, nisi per ordinationem postulationum istarum mens nostra paulatim atque gradatim ascendat.