Capitulum 1

(Abbatis Isaac prima)

DE ORATIONE.

Proæmium collationis.

QUOD in secundo Institutionum libro promissum est de perpetua et incessabili jugitate orationis, Deo favente, complebunt collationes senis quem nunc in medium proferimus, abbatis videlicet Isaac. Quibus descriptis ex præcepto beatissimæ memoriæ Castoris episcopi, et ex desiderio vestro, o beatissime præsul Leonti, et sancte frater Helladi, satisfecisse me credo;¹ granditate hujus voluminis excusata, in primis quod in quantitatem excrevit majorem quam proposueramus, conantibus nobis narranda perstringere non solum sermone succincto, sed etiam plurima præterire silentio. Itaque disputatione copiosa præmissa de variis institutis, quam brevitatis studio resecamus, tandem B. Isaac dixit :

Footnotes

1. Cf. p. 27 A'. ↩