Capitulum 3

Quod primo sit nobis pugna adversus concupiscentiam gulæ.

ITAQUE primo nos oportet inire certamen contra gulæ concupiscentiam. Atque in primis dicturi de modo jejuniorum et qualitate escarum, rursus recurremus ad traditiones et statuta Ægyptiorum, in quibus esse sublimiorem continentiæ disciplinam perfectamque discretionis rationem nullus ignorat.