Capitulum 28

De finali doctrina quam abbas Joannes quum esset moriturus reliquit suis discipulis.

PORRO quum idem senex ageret in extremis, et alacer esset tanquam ad propria migraturus, circumsteterunt eum anxii Fratres, rogantes ut relinqueret eis aliquod memoriale mandatum, tanquam hereditarium quoddam legatum per quod tanquam quodam præcepti compendio, possent ad perfectionis culmen facilius pervenire. Ingemiscens ille respondit: Nunquam feci propriam voluntatem, nec aliquem docui quod prius non feci.