Capitulum 29

De abbate Machete, qui inter spirituales collationes nunquam obdormivit, et inter terrenas fabulas semper dormivit.

VIDIMUS senem nomine Machetem, a multitudine Fratrum remote morantem, qui gratiam istam a Deo diuturnis precibus impetravit, ut quotquot diebus ac noctibus fieret collatio spiritualis, nunquam somno opprimeretur. Si autem quis introduxit verbum detractorium aut otiosum, protinus resolvebatur in somnum, ita quod virus obloquii non potuit usque ad inquinationem aurium ejus pertingere.