Capitulum 27

De fructu laborum suorum quem confessi sunt se obtinuisse abbas Phesius et abbas Joannes.

DUM senex Joannes grandi cœnobio et multitudini Fratrum præsidens, visitasset senem nomine Phesium, et ab eodem Phesio tanquam ab antiquissimo socio quæreret, quidnam egisset in solitudine per quadraginta annos quibus ab eo separatus, non erat a Fratribus molestatus, respondit: Nunquam interim vidit me sol comedentem. Et Joannes: Nec me, inquit, irascentem.