Aux ministres de l’Église de Genève

Messieurs,

♦Jay communiqué la vostre a ceux que jay peu de nostre Eglise, vide snpra, p. 63 lesquels, au lieu d’en estre consolés, en ont comme receu un deses- not’ poir, puis qu’ils croyent vostre derniere resolution estre de ne vouloir entrer en dispute par vive voix : ce qui estoyt très necessaire pour raffermir les infirmes, lesquels entrent en doute de la doctrine laquelle vous presches publiquement, et cependant ne la voules soustenir que par escript ; forme de disputer qui ne prendra jamais fin, et n’en pourra on jamais tirer aulcune resolution, car il ny a là que pour les gens sçavants et de loysir qui peuvent lire et comprendre vos escripts.

Vous avez veu comme l’orage et la tourmente ont rüiné nos églises, sans que les nautonniers se soyent opposés. Dieu vueulle pardonner a ceux qui n’auront pas rendu leur debvoir a secourir ceux qui, périssants, ont imploré l’aide des spectateurs de telles tragédies.

Christ n'est pas divisé : il faudroict donc tascher a reünir Ses membres et oster toute occasion de schisme et division en l’Eglise de Dieu, puis qu’ainsi est qu'hors d’icelle il ny a point de salut. Ceux qui sont en possession, sont mieux fondés que ceux de dehors ; si vous ne monstres aultre zele a la defense de vostre cause, vous la perdres tout quicté. Si les Apostres se feussent voulu contenter d’estre enfermés dans des chambres a leur aise, et enseigner le peuple par escript sans oser soustenir leur doctrine de vive voix, ils n'eussent pas donné grand avancement au régné de Jésus Christ, lequel estant establi par ce moyen, doibt estre conservé de mesme. Vous ne pourres point accuser ceux qui se départiront de vostre doctrine, puis qu'au besoing vous ne les voules secourir lors quils vous declairent qu’ils n’ont plus que tenir.

Nous sommes arrivés au temps de la désolation, et semble que Dieu, par un juste jugement, ayt bandé les yeux aux plus entendus et frappe les voyans d’aveuglement. Bref, les menaces d’Isaÿe sont executees sur nous. Dieu, par sa grâce, nous fasse misericorde, car nous pouvons dire maintenant :

Las ! nous n'avons nul signe accoustumé

De ta bonté, prophetes nous défaillent ;

Nous n'avons nuis qui enseigne nous baillent :

Quand cessera ton courroux allumé ?

Et ce qui est dit ailleurs .

Tu nous as, contre nos plus proches,

Mis en querelles et reproches ;

Nos haineux s’en mocquent bien fort,

Rallie nous, o Dieu très fort ! etc.

Las ! elle est en cendre reduicte,

Elle est entièrement detruicte,

Tous perissent par ton courroux ;

Rallie nous, o Dieu très doux ! etc.

Ce subit changement semblera bien estrange ; mais que voules vous qu’un pauvre peuple fasse, qui est délaissé a l’abandon, destitué de pasteurs et de pasture ?

Semé nous as de toutes pars

Parmy nations ennemyes.

C’est donc a vous. Messieurs, d’y penser, quand vous voyez brus-ler la maison de vostre voysin.

Quant a moy, je pense que tous fidelles qui sont membres d’un mesme corps se doibvent unir par charité ; car, comme dit S. Augustin : Non est particeps divines charitatis qui hostis est unitatis. Ceste union doibt estre recerchee plus soigneusement que nous ne faisons pas quand, au lieu de nous approucher pour entrer en conférence, nous reculions. Les déterminations des anciens Conciles n’ont pas esté prinses entre des absents, mais entre des presens, apres que les doubtes ont esté debattues d'une part et d’aultre. Si ce chemin a esté licite, voyre choysible aultrefoys, pourquoy ne le sera il encores aujourdhuy ? sinon que par nostre opi-niastreté nous veulions donner lieu a nos passions plustost qu’a la raison.

Je croy fermement qu’il ny a difficulté de religion qui ne se puisse resouldre entre gens charitables et vuydes de toutes préoccupations, ains seulement désireux de recercher la vérité pour la gloyre de Dieu et le salut de son Eglise ; car la promesse est infal-lible, que Jésus Christ a faicte aux siens, quil seroyt avec eux jusqu’à la consommation du monde. Mais comment sera il au milieu d’une division ? Cerchons donc et embrassons, au nom de Dieu, ceste union, sans laquelle nous ne pouvons estre Chrestiens. Le principal lien, c’est la charité : que donc elle nous eschauffe, afin que non point par vaines disputes et ergoteries, mais par le fil de la vérité nous puissions amortir le feu de la dissention qui embrase tout le monde, afin que la charité de JNostre Seigneur nous unisse tous par une vraye et vive foy ensemble pour le glorifier éternellement.

Excuses moy. Messieurs, si je parle si franchement a ceux a qui je doibs tout honneur et respect ; mais le zele de Ihonneur de Dieu et la ruïne de nos églises me contrainct a vous dire ce que vous entendes mieux que moy, mais vous n’en sentes pas peut estre les aigullions qui alterent nos âmes. Tant ÿ que Dieu ne delairra point son Eglise. Mais, comme j’escrivois dernièrement a Monsr Goulard, il est necessaire, pour sauver le navire et ceux qui sont • Epùt. prrced. dedans, que les nautonniers demeurent aussi dedans, a peyne de naufrage. Vous ÿ adviseres donc, sil vous plaist ; et ne lairres de me tenir tousjours,

Messieurs,

Pour vostre plus humble et affectionné serviteur,

Deprez.

De Thonon, ce xn. 8bre 1598.

A Messieurs

Messieurs les Ministres de l’Eglise de Geneve.

A Geneve.

Revu sur les photographies des autographes

conservés à la Bibliothèque publique de Genève (Mss. M. f. 8).

B