Sermon pour le deuxième dimanche de Carême 23 février 1614

( Inédit)

L’Eglise au premier Dimanche de Caresme nous fait voir la tentation de Jésus Christ, au second, sa Trans- *Matt, iv, i-n. figuration et la gloire de la Hierusalem celeste, et au Ibid., xvn, 1-9. troisiesme, la providence de Dieu envers ceux qui, ayans appris de Nostre Seigneur à vaillamment combattre, l’ont fait si fidellement qu’ils ont mérité la recompense qu’il leur monstre apres la bataille. Nous ferons aujour- * Lucæ, xi, 14-28. d’huy quelques petites considérations par lesquelles nous monstrerons qu’il y a quatre degrés en l’oraison ; mais avant tout cela, disons trois paroles.

L’ame de Nostre Seigneur fut bienheureuse dès l’instant de sa conception ; elle ressembloit à Veschelle de Jacob, laquelle de l’un des bouts touchait le ciel et de l’autre la terre. Il en estoit tout de mesme de la sainte Gen.,xxvm, 12. ame de nostre Maistre, car sa partie supérieure estoit appuyée dans le sein de son Pere, et sa partie inferieure touchoit la terre par le choix qu’il avoit fait de nos miseres, peines et langueurs. Or cela estant, nous voyons clairement que le mystère de la Transfiguration ne fut point un miracle, ains une cessation de miracle, puisque les dots de gloire qui enrichissoyent la partie supérieure de cette benite ame estoyent aussi deües à la partie inferieure qui n’en jouissoit toutefois aucunement, ains estoit abandonnée et délaissée à la merci de toutes nos misere et calamités; tout ainsy qu’une grande source a8 Sermons recueillis rejaillissant au sommet d’une haute montagne, retien-droit ses eaux sans s’escouler par les vallons. A l’heure de la Transfiguration, ce miracle cessa pour ce temps là, Nostre Seigneur laissant jouir sa partie inferieure de la gloire et consolation de sa partie supérieure.

Plusieurs ames devotes demanderont peut estre comment est-ce que nous connoistrons que nous nous avançons à l’oraison, et par le moyen de l’oraison, à la perfection. C’est vrayement par le moyen de l’oraison que l’on ‘Epist.cciadBald., parvient à la perfection, et saint Bernard, apres en § 3’ avoir marqué d’autres, dit que celuy ci les surpasse tous. Les quatre considérations que je m’en vay déduire vous monstreront assez si vous faites de l’avancement, puisque ce sont des excellens degrés de perfection.

La première considération est celle cy : Jésus estant monté sur la montagne se mit à prier, et estant en priere il fut transfiguré, et sa face devint plus reluisante que le soleil et ses vestemens blancs comme la Matt., xvii, r, 2 ; neige. Or, nous connoissons que nostre oraison est Lucæ, ix, 28,29. bonne et qUe nous nous avançons en icelle, si, lors que nous en sortons, nous avons, à l’imitation de Nostre Seigneur, la face reluisante comme le soleil et nos habits blancs comme la neige ; je veux dire, si nostre face reluit de charité et nostre corps de chasteté. La charité est la pureté de l’ame, car elle ne peut supporter en nos cœurs aucune affection impure ou qui soit contraire à Celuy qu’elle ayme (la charité et l’amour n’est qu’une mesme chose) ; et la chasteté est la charité du corps, d’autant qu’elle rejette toutes sortes d’impuretés. Si, au sortir de l’oraison, vous avez un visage renfrogné et chagrin, l’on voit assez que vous n’avez pas fait l’oraison comme vous deviez.

La seconde considération est sur ce que les Apostres virent Moyse et Elie qui parloyent à Nostre Seigneur Lucæ, ix, 30, 31. de l’exces qu’il devoit faire en Hierusalem. Voyez-vous, emmy la Transfiguration l’on parle de la Passion ; car cet exces n’estoit autre que la Passion. Nostre divin Maistre faisoit ses exces bien d’autre façon que non pas nous autres ; car nous, nous jettons de bas en haut. Excès veut dire extase : il parloit donques de l’exces. Quel exces ? Celuy ci, que Dieu descende de sa gloire supreme. Et pour quoy faire ? Pour prendre nostre humanité et se rendre sujet aux hommes, voire mesme à toutes les miseres humaines, jusques là qu’estant immortel il s’est rendu sujet à la mort et à la mort de la croix. L’amour ne se repaist point comme nous Philip., n, 6-8. pensons. Nostre Seigneur parle donques de sa Passion et de sa Mort parce que c’est le souverain acte de son amour ; aussi les Bienheureux, en la gloire etemelle, ne parleront ni ne se resjouiront de rien tant que de cette mort. On doit par conséquent emmy la consolation se Apoc., v, 9,12. resouvenir de la Passion. Non certes, il ne faut pas dire comme saint Pierre : Il est bon que nous soyons icy, Matt., xvn, 4. mais : Il est bon que nous passions par icy pour aller à la montagne de Calvaire.

Il faut monter sur la montagne de Thabor pour y estre consolé, direz-vous, car cela pousse et fait avancer les âmes foibles qui n’ont pas le courage de faire le bien sans y sentir de la satisfaction. Ha certes, pardonnez moy, la vraye perfection ne s’acquiert point emmy la consolation. Hé, ne le voyez-vous pas en nostre mystère d’aujourd’huy ? Ces trois Apostres ayans veu la gloire de Nostre Seigneur ne laissèrent par apres de le quitter en sa Passion, et saint Pierre qui avoit parlé tousjours plus hardiment, commit neanmoins un très grand péché reniant son Maistre. On descend de la montagne de Thabor pecheur, mais au contraire on descend de celle de Calvaire justifié ; cela s’entend quand on s’y tient *Cf.Lucæ,xvnr,i4. ferme au pied de la Croix comme Nostre Dame, qui est le parangon de tout ce qui est de beau et d’excellent au Ciel et en la terre. Saint Jean y demeura ferme aux pieds de son Maistre, et jamais plus on ne trouve qu’il commit des péchés. L’on est véritablement fort en crainte emmy la consolation, car on ne sçait si on ayme les consolations de Dieu, ou bien le Dieu des consolations; • II Cor., 1, 3. mais en l’affliction il n’y a rien à craindre, pourveu qu’on soit fidelle, d’autant qu’il n’y a rien de délectable. Voyla donques quant à la seconde considération.

Je fais la troisiesme sur ce que l’on entendit la voix du Pere. eternel qui dit : Celuy ci est mon Fils bien Matt., xvir, 5 ; xi aymé, escoute^-le. Il faut donques obéir au Pere eternel etn, 1, 17. en suivant Nostre Seigneur pour ouyr sa parole. Et voyci comme nous sommes enseignés que tous, de quelle condition qu’ils soyent, doivent prier et faire oraison, car c’est là où principalement ce divin Maistre nous parle. Je ne dis pas que nous devons faire autant d’oraison les uns que les autres, car il ne seroit pas à propos que ceux qui ont beaucoup d’affaires demeurassent aussi longuement en oraison que les Religieux. Je dis bien neanmoins que si vous voulez bien faire vostre devoir, il faut que vous priiez Dieu, et c’est en l’oraison que nous apprenons à bien faire ce que nous faisons. Quand Nostre Seigneur a voulu accomplir quelque grande chose il s’est mis en oraison, mais non pas en une simple oraison faite sans préparation, ains il se retiroit en la montagne et entroit en la solitude. Avant de commencer sa prédication et la Matt., iv, 1, 2. conversion des âmes, il s’y retira quarante jours. Aujourd’huy il se veut transfigurer et faire voir un eschantillon de sa gloire à ses trois Apostres, il se met en oraison et en extase, et y estant, il fut veu la face plus reluisante que le soleil et ses vestemens plus blancs que neige; et c’est nostre première considération. Apres, il est veu entre Moyse et Elie, parlant de l’exces qu’il devoit faire en Hierusalem ; et celle cy est la seconde. Ensuite l’on entend la voix du Pere eternel qui dit: Celuy ci est mon Fils bien aymè, escoute^ le; le troisiesme degré de l’oraison, voire mesme de la perfection, est donc d’obeir au Pere en escoutant son Fils.

Mais il ne serviroit de rien de l’escouter si nous ne faisions ce qu’il nous dit, observant fidellement ses commandemens et ses volontés. Or, pour l’escouter volontiers il s’en trouveroit plusieurs ; beaucoup aussi qui le voudroyent suivre en la montagne de Thabor, mais fort peu en celle de Calvaire. L’une est neanmoins plus profitable que l’autre ; comme de mesme il y a plus de profit à accomplir la volonté de Dieu, ou bien à l’aymer en quelque evenement qui nous contrarie, que non pas à escouter parler Nostre Seigneur emmy la consolation que l’on reçoit aucunefois en l’oraison.

Je passe à la quatriesme considération. Les Apostres estans relevés (car ils tombèrent sur leur face entendant la voix du Pere eternel), ne virent plus que Jésus seul. Cecy est le souverain degré de la perfection, de Matt., xvii, 6, 8. ne voir plus que Nostre Seigneur en quoy que nous fassions. Plusieurs s’empescheront bien de regarder les hommes et les choses de ce monde, mais il en est extrêmement peu qui ne se regardent point eux mesmes ; ains les plus spirituels recherchent et choisissent entre les exercices de dévotion ceux qui sont plus à leur goust et plus conformes à leurs inclinations. Il ne faut cependant voir que Dieu, ne chercher plus que luy, ni avoir aucune affection que pour luy, et nous serons bienheureux. Les âmes qui sont parvenues à ce degré de perfection ont un soin tout particulier de regarder et se tenir auprès de Nostre Seigneur crucifié sur le Calvaire, parce qu’elles l’y trouvent plus seul qu’en nul autre lieu. Amen.