Sermon de profession t pour la fête de saint ambroise 7 décembre 1619 d

( Inédit )

Nostre Seigneur ayant enseigné à ses Apostres la perfection de la loy evangelique, disant : Bienheureux sont les pauvres d’esprit, bienheureux les débonnaires, bienheureux ceux qui pleurent, et la suite, il *Matt., v, 3-13. adjousta : Vous estes le sel de la terre ; ce que l’on attribue non seulement aux Apostres, mais aussi à tous leurs successeurs, tel que fut le grand saint Ambroise duquel la sainte Eglise celebre aujourd’huy la feste. Cette mesme louange se peut donner aux Religieux et . Religieuses, non comme estans successeurs immédiats des Apostres quant à l’office, car tous ne preschent pas, mais ouy bien quant à la maniéré de servir Dieu, en la prétention de suivre ses conseils et ses volontés, à fin de tascher d’acquérir la perfection.

r Nostre Seigneur dit donques à tous les hommes apostoliques et aux Religieux et Religieuses : Vous estes le sel de la terre. Cecy ne se doit pas entendre matériellement ains spirituellement ; et pour vous le mieux faire comprendre je considere trois qualités du sel, sur lesquelles nous nous arresterons principalement. La première est que le sel est composé de feu, et si neanmoins il esteint le feu; la seconde, qu’il donne goust et saveur

Profession des Sœurs Marie-Françoise Bellet et Marie-Aimée de Sacconex. Cf. les notes pp. 170, 202.

à la viande ; et la troisiesme, qu’il preserve de corruption et putréfaction la chair, le poisson et autres choses qui ne peuvent estre bonnement gardées sans estre salées. Cela estant donques ainsy, je ne m’arresteray pas à la première propriété, car l’experience s’en fait journellement. Que le sel soit composé de feu, et qu’il esteigne neanmoins le feu, faites-en l’espreuve. Si vous en mettez un grain sur vostre langue, tout incontinent vous sentirez qu’il brusle, comme le poivre ou autres espiceries fortes ; au contraire, jettez-en quelques grains dans le feu et vous verrez l’effect : s’il y a du feu à la cheminée vous le verrez tomber et s’esteindre. De mesme, si le feu du Saint Esprit, l’amour de Dieu, touche une ame et la choisit pour y faire sa demeure, vous appercevrez tout aussi tost que l’amour terrestre, caduc et périssable commencera à s’esteindre, à mourir et périr, en fin à luy quitter la place.

Remarquez donques, je vous prie, combien il est vray que les Religieux et Religieuses sont le sel de la terre (s’entend pourveu qu’ils soyent bons Religieux), puisqu’ils ont cette première condition du sel. Car qui ne voit que non seulement ils ont esté touchés, mais esclairés et enflammés du feu du Saint Esprit, en sorte qu’ils n’ont autre attention que d’exterminer et anéantir l’amour charnel et périssable? Qu’est-ce, je vous supplie, qui ‘Cf. Rom., vin, auroit peu esteindre le feu de la convoitise des richesses ou des honneurs, que les Religieux et Religieuses renoncent pour jamais en faisant le vœu de pauvreté, s’ils n’eussent esté touchés de cette flamme sacrée et très aymable de l’amour de Dieu, qui les a tirés d’entre le peuple pour les mettre ès lieux où plus à souhait ils peussent monstrer les effects de son infinie misericorde exercée en leur endroit? O Dieu, qu’ils sont heureux d’avoir donné entrée à ce feu celeste ! car tout ainsy que le feu du ciel esteint celuy de la terre, de mesme le feu sacré exterminera et consommera celuy de la concupiscence qui régné et domine en nostre chair. Ils seront à bonne enseigne nommés successeurs du grand Apostre, puisqu’ils pourront véritablement dire : J’ay réputé

Serm. III 16

lotîtes choses de ce monde comme ordure, puanteur et en fin comme fumier, pour mieux gaigner Jésus Christ Philip., ni, 8. et sa bonne grâce. C’est de ce feu dont Nostre Seigneur Lucæ, xii, 49. parloit lors qu’il dit : J’ay apporté le feu du Ciel en terre, et que veux-Je sinon qu'il brusle ? O Dieu, quelle grâce d’estre touché de ce feu très béni, car jamais plus on ne se plaist ès ardeurs qui luy sont contraires.

La seconde proprietéMu sel c’est qu’il donne goust et saveur aux viandes lesquelles sans iceluy ne sont pas propres à nostre manger, ains meritent plustost d’estre abhorrées et rejettées; car elles sont insipides, sans goust et bonnes plustost à mortifier qu’à consoler et contenter le goust de celuy qui les mange. Or, ce sel qui assaisonne tout ce que nous faisons, c’est la sagesse et discrétion. Quelle plus grande sagesse, je vous supplie, que celle des Religieux qui connoissans leur foiblesse pour demeurer dans le monde, emmi les continuelles occasions de se perdre, s’en retirent pour plus à souhait servir Dieu fidellement ? Ils ont esté touchés de ce feu du Saint Esprit lequel leur a fait connoistre, par un petit rayon de sa lumière, qu’ils ont plusieurs maladies spirituelles auxquelles il faut remedier pour ne point tomber au péril de la mort eternelle.

Les Religieux ont esté appellés d’un nom grec qui a deux significations, dont l’une vaut autant à dire que Vide supra,p. 50. remediateur, médecin, remede et medecine. L’Eglise n’est autre chose qu’un hospital où il y a plusieurs sortes d’infirmeries pleines de malades ; car les pécheurs ne Cf. supra, p. 217. sont-ce paà des malades ? Mais comme aux hospitaux il y a tousjours quelque infirmerie ou chambre pour les convalescens, de mesme les Religions sont destinées aux âmes relevées qui désirent grandement de se rendre quittes des maladies qu’elles ont apportées du monde et que Nostre Seigneur par sa grâce leur a fait connoistre. Ces bigearreries, ces propres volontés qui ne se veulent • point sousmettre, ces jugemens particuliers, ces intentions impures qui ruinent et gastent toutes nos meilleures actions, ces laschetés et cette négligence d’esprit qui n’a point de cœur pour la prétention de la perfection, qu’est-ce autre chose que des maladies contractées par nostre ame en la communication que nous avons eue avec le péché ?

Or, les Religieux et Religieuses recherchent la guérison de ces maladies, car si bien ils ne sont pas tenus d’estre parfaits, ils sont neanmoins obligés de tendre à la perfection, puisque en faisant des vœux, nous autres tant ecclesiastiques que Religieux, nous nous obligeons quant et quant de tascher de tout nostre pouvoir d’acque-rir la perfection et de vivre selon icelle. C’est en cette façon que tous peuvent estre appellés et estre par conséquent dignes successeurs des Apostres ; car si bien tous ne preschent pas et n’administrent pas les Sacremens, qui sont les remedes dont se sert la sainte Eglise pour la guérison de ses malades, tous neanmoins peuvent et doivent prescher d’exemple ; et cette prédication ne sera peut estre pas moins utile que l’autre. Et comme les médecins jugent que le repos et la tranquillité aydent beaucoup à recouvrer plus promptement la santé, de mesme les Religieux se retirent au port de la tranquillité qui est la Religion, pour plus aysement acquérir la santé de leurs âmes qui est la sainteté.

L’autre explication ou signification du nom qu’on leur a donné est cultivateur, qui est autant à dire que laboureur. Certes, c’est à bon droit qu’on leur a donné *Euseb.,Hist.,l.II, ce nom, car il est fort conforme à leur office, i1) Qu’est ^reop’ ^wætom' ce que l’office du Religieux sinon de bien cultiver son præced. huj. Edit., esprit, pour en desraciner toutes les mauvaises produc- P' ’ ' tions que nostre nature dépravée fait bourgeonner tous les jours, si qu’il semble qu’il soit tousjours à refaire? Et comme il ne faut pas que les laboureurs se faschent, puisqu’ils ne meritent pas d’estre blasmés, pour n’avoir recueilli une bonne prise, pourveu neanmoins qu’ils ayent eu soin de bien cultiver la terre et de bien ensemencer, de mesme le Religieux ne doit point se fascher s’il ne recueille pas si tost les fruits de la perfection et des

( 1 ) La suite de cet alinéa est insérée dans l’Entretien De la Prétention religieuse. (Voir ci-devant, p. 13, note ( 1 ), et au tonie VI de cette Edition, la page 375.)

a44 Sermons recueillis vertus, pourveu qu'il aye une grande fidelité pour bien cultiver la terre de son cœur en retranchant ce qu’il apperçoit estre contraire à la perfection à laquelle il est obligé de prétendre, et faisant ce qu’il voit devoir estre fait pour l’acquisition des vertus.

Mais, je vous supplie, considérez un peu la folie des mondains lesquels estans fort malades n’estiment pourtant pas l’estre, ains ils se louent de la meilleure santé du monde, bien que leurs maladies soyent telles qu’ils sont prests à tomber dans la fosse de la mort eternelle. La convoitise de l’honneur brusle les uns, celle de l’avarice les autres, et d’autres le sont par la convoitise des playsirs vilains, brutaux et deshonnestes ; cependant ils ne sont point malades ! ou du moins ils se vantent de ne l’estre pas. Voyons, je vous prie, en quoy ils constituent leur sagesse. Ils estiment estre sages de conserver ou d’acquérir leur liberté, d’estre maistres de leur volonté ; et qui a plus de cette misérable liberté est considéré comme le plus sage et le plus heureux. De là vient qu’ils tiennent pour malheureux les serviteurs parce qu’ils sont sujets à leurs maistres, et plus encores les esclaves, d’autant qu’ils ne sont pas maistres de leur liberté.

Mais, o Dieu, que leur folie est grande de se vouloir Ubi supra, p. 95. gouverner eux mesmes ! Escoutez le grand saint Bernard qui demande à l’un de ceux cy : Dis-moy, je te prie, qui est ton maistre ? Je le suis moy mesme. O pauvre misérable, respond-il, tu es « gouverné par un grand fol ; » puisque tu es maistre de toy mesme, tu es par conséquent disciple d’un sot. Les Religieux ne veulent pas estre si insensés que ceux cy, lesquels le sont d’autant plus qu’ils Cf. Rom., 1,52. ne le pensent pas estre, ains s’estiment si sages qu’ils ne tiennent nul compte des autres hommes, ne les croyant pas mesme capables de leur servir de planche, eu esgard à leur grande sagesse et preudhommie. Les Religieux ayans esté esclairés par le Saint Esprit constituent toute leur sagesse en la très sainte sousmission, sujétion, humilité et mespris d’eux mesmes, car ils ont fort bien considéré que c’est l’abus de leur liberté qui a fait

descendre les Anges du Ciel et les a précipités en

l’abisme de l’enfer, où ils seront éternellement esclaves

de ses peines éternelles.

Et non seulement cette liberté a ruiné les Anges, mais

encores les hommes. Qu’est-ce, je vous prie, qui préci­

pita nostre mere Eve, et apres elle nostre premier pere

Adam, dans le gouffre du péché, sinon le désir de faire

leur propre volonté et jouir de leur indépendance? Vous

sçavez ce qui leur en arriva, et à nous apres eux.

Escoutez le Prophète, lequel introduisant les mondains *Jerem., n, 20; Ps.

dit qu’ils ont secoué leur joug, et ayans rompu les liens XI’ 5'

de charité se sont pris à dire : Qui est nostre maistre? se voulans ainsy gouverner eux mesmes, et protestans : Nous ne servirons pas ; c’est à sçavoir, nous ne dépendrons de personne sinon de nostre propre volonté, et par ainsy nous jouirons de nostre liberté. Mais, o Dieu, qu’est-ce qui suit cette liberté ? non autre certes qu’un eternel esclavage apres cette vie mortelle, qui est de si peu de durée au prix de l’eternelle.

La folie des mondains fait d’autant plus connoistre et estimer la sagesse de ceux qui renoncent à leur propre liberté et s’assujettissent volontairement pour jamais. Mais quel est ce sel qui donne goust et saveur à toutes nos actions et sans lequel elles ne sçauroyent meriter que Nostre Seigneur les trouve bonnes ni aggreables à sa bonté ? C’est la sainte obéissance qui les rend aussi méritoires de la vie eternelle ; ouy, mesme une action qui de soy n’est nullement bonne et de nul merite, si elle est faite par obéissance elle devient bonne, et les indifferentes sont rendues méritoires et aggreables à Dieu. Cf. supra, pp. 97, Certes, la pluspart des mondains font presque tout par tom.vihujusEdit., caprice et fantasie. S’ils s’en vont dormir ils le font sou- p‘ l85' ventesfois par caprice ; ils mangent de mesme et ainsy des autres choses. Voire, bien souvent ils font leurs prières par caprice. Je le remarque en ce qu’on en trouve qui ne sont pas contens s’ils ne disent une grande quantité d’oraisons devant la Messe et apres, et cependant voyez les durant le temps qu’on la dit, ils s’amusent bien souvent à causer et à se distraire. Pourtant ils sçavent bien que ce temps là est principalement donné pour la priere et pour rendre grâces à Nostre Seigneur des mystères qui y sont représentés.

Or les Religieux et ceux qui vivent vertueusement et sagement dans le monde n’agissent pas de la sorte, car ils ne font chose quelconque que par obéissance. S’ils se vont coucher ils le font simplement parce qu’il est expedient de donner du repos à leur corps à fin d’avoir par apres assez de force pour le travail ordinaire et necessaire pour la gloire de Dieu. Et ainsy du manger; ils n’y vont que pour la mesme fin et parce que la cloche les appelle. Et quant aux prières, ils s’y rendent fidelles aux heures marquées, pour les faire avec la perfection qui leur est enseignée. O qu’ils sont heureux ceux cy parce qu’ils ne font rien qui ne soit aggreable à Dieu ! Vous estes le sel de la terre', c’est à dire vous assaisonnez les actions mesme terrestres, et par ce moyen vous les rendez celestes.

Pourquoy pensez-vous que le Seigneur en l’ancienne Loy eust commandé aux Israélites qu’ils se gardassent bien de luy offrir aucun sacrifice où ils ne missent du sel ? Nostre divin Maistre reconfirma ce mesme commandement par sa sacrée bouche, pour nous monstrer qu’il vouloit que tous nos sacrifices fussent offerts avec une grande sagesse et considération. Ce qu’ayant fort bien considéré, ces filles qui se viennent offrir à Nostre Seigneur en sacrifice très aymable ont fait dessein de renoncer à leur propre liberté ; ne s’estimans pas assez sages pour se conduire elles mesmes, elles se viennent abandonner entre les bras de la sainte obéissance pour demeurer à jamais sujettes et sousmises à la volonté de Dieu et de leurs Supérieurs. O que c’est une grande sagesse de ne s’estimer pas assez sage pour se conduire soy mesme ! Je sçay bien que si nous nous laissions gouverner par la rayson elle nous meneroit bien avant dans le Ciel ; mais le péché a tellement gasté et tracassé nos puissances intérieures, que la partie inferieure de nostre ame a pour l’ordinaire plus de pouvoir pour nous tirer au mal que non pas la partie supérieure pour nous faire tendre du costé du bien. C’est pourquoy il est fort à propos de nous lier et engager à la poursuite des biens éternels par le moyen du vœu que nous faisons de l’obeissance à la volonté de Dieu qui nous est signifiée par ses commandemens, ses conseils, nos Réglés et les ordonnances des Supérieurs.

Quiconque sera plus fidelle à cette sainte sousmission sera tenu pour le plus sage. Le roy ne seroit pas réputé sage et prudent s’il ne se faisoit paisiblement obéir par ses sujets et ne gouvernoit son royaume selon la justice et l’équité comme il convient à un souverain ; un marchand ne sera pas estimé sage s’il ne tasche, par le moyen de son trahie, de s’enrichir et augmenter ses moyens; et ainsy des autres. De mesme les Religieux ne seront point tenus pour sages s’ils ne recherchent de tout leur pouvoir d’aller tousjours plus avant au chemin de la perfection, puisqu’ils s’y sont obligés de leur propre mouvement, car nul ne les y a peu contraindre. C’est donques à eux que Nostre Seigneur dit : Vous estes le sel de la terre.

Mais je considere en apres la troisiesme propriété du sel : c’est qu’il est propre à préserver de corruption et de putréfaction ce à quoy on l’applique. Les mondains font beaucoup d’œuvres bonnes en elles mesmes, mais le sel de la bonne intention y manquant, elles viennent quasi toutes à se corrompre et à estre desaggreables à la divine Majesté. O Dieu, si nous autres qui sommes dédiés au service de la divine Bonté faisions la centiesme partie des choses que les courtisans des rois et des princes font pour eux, indubitablement nous serions tous saints. Que de veilles insupportables et autres travaux tant du corps que de l’esprit ! Et cependant, ces pauvres gens perdent pour la pluspart toute leur peine, faute de relever leurs intentions et de le faire parce que les rois et les princes tiennent la place de Dieu quant aux choses temporelles, et que partant il les faut honnorer et servir de bon cœur. La droite intention est ce qui rend nos Rom., xm, 1-6; œuvres méritoires de la vie eternelle, et, comme nous 1 Pet11’n’I7‘ avons desja dit, les œuvres indifferentes, voire mesme les necessaires pour la conservation de nostre vie, sont méritoires et fort aggreables à Nostre Seigneur.

Or, considérez combien le sont davantage les actions pénibles et contraires à la nature : la mortification des passions, de la propre volonté, du propre jugement et en fin l’entier renoncement de nous mesmes pour nous laisser conduire et gouverner au gré d’autruy, nous rendre maniables, pliables et entièrement sousmis en toutes occasions. Ces actions sont aussi infiniment aggreables à la divine Majesté et au Sauveur mesme qui s’est voulu rendre nostre Maistre, en nous enseignant cette prattique excellente du délaissement de nous mesmes pour nous sousmettre à autruy, et se rendant obéissant pour nous à son Pere celeste jusques à la mort de la • Philip., n, 8. croix. C’est cette droite intention qui amene icy ces filles pour se sacrifier à Nostre Seigneur par la resolution inviolable d’estre toutes à Dieu ; elles ne se contentent pas d’observer ses commandemens, car elles ont esté touchées de cet amour du Saint Esprit qui fait qu’elles ne veulent pas seulement s’unir à Dieu par la prattique d’iceux comme le reste des Chrestiens, mais, par une prétention plus genereuse et amoureuse, elles se viennent obliger à l’observance de ses conseils et de ses volontés, pour estre tant soit peu plus unies au Ciel avec sa divine Bonté.

O que vous estes heureuses, mille fois plus que les imperatrices et les reynes, non seulement parce qu’apres avoir esté espouses de Jésus crucifié en cette vie vous le serez de Jésus glorifié là haut en sa gloire, mais aussi parce que la Croix du Sauveur est mille fois, et sans comparaison, plus honnorable que les sceptres et couronnes et les royaumes tout entiers de ce monde périssable. Que vous avez bien conceu Nostre Dame en la veille de sa Conception ! car, qu’est-ce autre chose concevoir la sacrée Vierge sinon concevoir la volonté et le désir de l’imiter en ses vertus ? Elle estoit si droite en ses intentions qu’elle ne voulut point donner son consentement d’estre Mere de Dieu que premier elle n’eust considéré si c’estoit la divine volonté ; mais l’ayant reconneuë elle dit : Fiat; me soit fait selon ta parole. ' Lucæ, 1, 38. Dieu vous fasse la grâce d’enfanter Nostre Dame ainsy que vous l’avez conceue, c’est à sçavoir de bien mettre en effect vos resolutions et vos désirs.

Oh que vostre prétention est masle et genereuse, et qu’elle vous rendra grandement aggreables à la mesme Vierge, qui sera vostre protectrice pourveu que vous luy soyez fidelles. Vous allez devenir esclaves bien aymées de son Fils très béni Nostre Seigneur, car que voulons-nous signifier quand nous jettons la croix au col de ces filles, ainsy que vous verrez tantost? Que nous les attachons à la Croix de Nostre Seigneur, pour passer le reste de leurs jours sur le mont de Calvaire à fin d’y considerer le renoncement parfait et les travaux qu’il a soufferts pour nous, nous excitant par ce moyen à cette continuelle attention de faire tout pour luy, et préserver ainsy nos actions de la corruption et putréfaction qu’elles contractent en la communication des intentions obliques et impures. Les Religieux sont donques très justement le sel de la terre, puisqu’ils ont, comme nous venons de le dire, les qualités et conditions du sel....................