Psalmus XIX. Deprecatorius

PSALMUS XIX. DEPRECATORIUS.

Rege ad bellum procedente.

VERSIO VULGATA.

1. In finem, Psalmus David.

2. Exaudiat te Dominus in die tribulationis : protegat te nomen Dei Jacob.

3. Mittat tibi auxilium de sancto, et de Sion tueatur te.

4. Memor sit omnis sacrificii tui : et holocaustum tuum pingue fiat.

5. Tribuat tibi secundum cor tuum, et omne consilium tuum confirmet.

6. Lætabimur in salutari tuo, et in nomine Dei nostri magnificabimur. VERSIO S. HIERONYMI.

Victori, Psalmus (a) David.

Exaudiat te Dominus in die tribulationis : protegat te nomen Dei Jacob.

Mittat tibi auxilium de sancto, et de Sion roboret te.

Memor sit omnis sacrificii tui, et holocaustum tuum pingue fiat. Semper.

Det tibi secundum cor tuum, et omnem voluntatem tuam impleat.

Laudabimus in salutari tuo, et in nomine Dei nostri ducemus choros. Impleat Dominus omnes petitiones tuas. 2. Tribulationis : belli scilicet, quod semper magna calamitas est.

5. Consilium confirmet. Hier. Impleat.

6. Salutari. Salus sæpe pro victoria, cujus fructus est, in Scripturis accipitur.

(a) Var. : Canticum.

7. Impleat Dominus omnes petitiones tuas : nunc cognovi quoniam salvum fecit Dominus Christum suum.

Exaudiet illum de cœlo sancto suo : in potentatibus salus dexteræ ejus.

8. Hi in curribus, et hi in equis : nos autem in nomine Domini Dei nostri invocabimus.

9. Ipsi obligati sunt, et ceciderunt : nos autem surreximus et erecti sumus.

10. Domine, salvum fac regem : et exaudi nos in die, qua invocaverimus te. Nunc scio, quoniam salvabit Dominus Christum suum.

Exaudiet eum de cœlo sancto suo, in fortitudine salutis dexteræ ejus (a) .

Hi in curribus, et hi in equis ; nos autem nominis (b) Dei nostri recordabimur.

Ipsi incurvati (c) sunt et ceciderunt ; nos autem surreximus et erecti sumus.

Domine, salva ; Rex, exaudies (d) nos in die, qua invocaverimus te (e) . V. Judic. xv, 18. Magnificabimur. Hier. ducemus choros. Hebr. signa victricia erigemus, triumphabimus.

7. Nunc cognovi. Hier. Nunc scio quoniam salvavit Dominus Christum suum. Christum suum : regem. In potentatibus. Hier. in fortitudine salutis dexteræ ejus : Dei scilicet, id est, in invicta illa vi servatricis dexteræ Dei.

8. in nomine Domini, Hier. nominis Domini Dei nostri recordabimur.

9. Obligati sunt : quasi compedibus vincti : Hier. incurvati sunt.

10. Domine, salvum fac... Hier. Domine, salva ; rex, exaudies nos, etc. regem vocat Deum regem regum. Vulg. planior et convenientior.

(a) Var. : Suæ. — (b) In nomine. — (c) Curvati. — (d) Rex exaudiet. — (e) Eum.