Psalmus XXVI. Moralis

PSALMUS XXVI. MORALIS.

David bello petitus et in angustiis, cum adhuc fugeret Saulem.

VERSIO VULGATA.

1. Psalmus David, priusquam liniretur.

Dominus illuminatio mea, et salus mea, quem timebo ?

Dominus protector vitæ meæ, a quo trepidabo ?

2. Dum appropiant super me nocentes, ut edant carnes meas :

Qui tribulant me inimici mei, ipsi infirmati sunt et ceciderunt. VERSIO S. HIERONYMI.

David.

Dominus lux mea, et salutare meum, quem timebo ?

Dominus fortitudo vitæ meæ, quem formidabo ?

Dum appropinquarent mihi maligni, ut comederent carnem meam : hostes mei (a) , inimici mei ipsi impegerunt et ceciderunt. 1. Priusquam liniretur : a Juda quidem, II Reg, ii. i ; a reliquo autem Israel, ibid., v, 3. cum antea unctus esset a Samuele in Bethleem, I Reg., x, 1. Quæ tituli pars in Hebr. deest ; ut in Hexaplis teste Theodoreto.

2. Infirmati sunt : Hier. impegerunt.

(a) Var. : Et.

3. Si consistant adversum me castra, non timebit cor meum.

Si exurgat adversum me prælium, in hoc ego sperabo.

4. Unam petii a Domino, hanc requiram, ut inhabitem in domo Domini omnibus diebus vitæ meæ :

Ut videam voluptatem Domini, et visitem templum ejus.

5. Quoniam abscondit me in tabernaculo suo : in die malorum protexit me in abscondito tabernaculi sui.

6. In petra exaltavit me : et nunc exaltavit caput meum super inimicos meos.

Circuivi, et immolavi in tabernaculo ejus hostiam vociferationis : cantabo, et psalmum dicam Domino.

7. Exaudi, Domine, vocem meam, qua clamavi ad te : miserere mei, et exaudi me.

8. Tibi dixit cor meum : Exquisivit te facies mea : faciem tuam, Domine, requiram.

9. Ne avertas faciem tuam a me : ne declines in ira a servo tuo.

Adjutor meus esto : ne derelinquas me, neque despicias me, Deus salutaris meus. Si steterint adversus me castra, non timebit cor meum.

Si surrexerit contra me bellum, in hoc ego confidam.

Unum petivi a Domino, hoc requiram, ut habitem in domo Domini omnibus diebus vitæ meæ : ut videam pulchritudinem Domini, et attendam (a) templum ejus.

Abscondit (h) enim me in umbra sua. in die pessima : abscondet me in secreto tabernaculi sui, in petra exaltabit me.

Nunc quoque exaltavit (c) caput meum super inimicos meos qui sunt in circuitu meo, et immolabo in tabernaculo ejus hostias jubili : cantabo et psallam Domino.

Audi, Domine, vocem meam invocantis (d) : miserere mei, et exaudi me.

Tibi dixit cor meum : Quæsivit vultus meus : faciem tuam, Domine, requiram.

Ne abscondas faciem tuam a me, ne declines in furore tuo (e) a servo tuo. Auxilium meum fuisti : ne derelinquas me, et ne dimittas me, Deus salvator meus. 4. Unam, rem, Hier. unum. Hanc, Hier. hoc requiram. Ut inhabitem : in templo et orationibus sim assiduus, non exul et vagus, ac sacrorum extorris. Voluptatem, Hier. pulchritudinem.

3. Abscondit me in tabernaculo suo, Hier. in umbra sua ; has quærit tutissimas latebras adversus Saulem, non loca impervia, speluncasve abditissimas, quæ rex pervaserat.

4. In petra, quasi in rupe, in arce, exaltavit caput meum super inimicos meos. Circuivi, Hier. qui sunt in circuitu meo : at sensus Vulgatæ ait : Circuivi, obambulavi loca sancta, et immolavi, immolabo hostiam vociferationis : jubili laudis alacris, lætas in Deum voces.

5. Tibi dixit cor meum : mens mea, non lingua, non labia. Exquisivit te : Hier. quæsivit vultus meus faciem tuam ; Hebr. quærite faciem meam. Reputavi hoc tuum præceptum : Quærite faciem meam ; et implevi. Unde subditur : vultum tuum, Domine, requiram : vultum autem tuum, hoc est, arcam tuam in qua habitas, et arcana in piorum coetibus solatia.

6. Ne avertas : Hier. Ne abscondas. Adjutor meus esto : Hier. fuisti. Ne despicias... ne dimittas me, idem, ne deseras.

(a) Var. : In. — (b) Abscondet. — (c) [ Al. exaltabit.] — (d) Et. — (e) Deest tuo.

10. Quoniam pater meus et mater mea dereliquerunt me : Dominus autem assumpsit me.

11. Legem pone milii, Domine, in via tua : et dirige me in semitam rectam, propter inimicos meos.

12. Ne tradideris me in animas tribulantium me : quoniam insurrexerunt in me testes iniqui, et mentita est iniquitas sibi.

13. Credo videre bona Domini in terra viventium.

14. Expecta Dominum, viriliter age : et confortetur cor tuum, et sustine Dominum. Pater enim meus et mater mea dereliquerunt me ; Dominus autem collegit me.

Ostende (a) mihi, Domine, viam tuam, et deduc me in semita recta, propter insidiatores (b) meos.

Ne tradas me animæ tribulantium me : quoniam surrexerunt contra me testes falsi, et apertum mendacium.

Ego autem credo (c) , quod videam bona Domini (d) in terra viventium.

Expecta Dominum, confortare, et roboretur cor tuum, et sustine Dominum. 10. Pater meus... vel mortui, vel ipsi infirmi et imbecilles ; et si me dereliquerint, tamen tu, Domine, semper ades.

11. Legem pone mihi : doce me. Inimicos : Hier. insidiatores.

12. Testes iniqui, Hier. falsi, qui dicebant Sauli : David quærit animam tuam, I Reg., xxiv, 10. Et mentita... Hier. et apertum mendacium, quod seipso convincitur. Vulg. congruit.

13. Credo videre : Hebr. Nisi crederem, formula affirmanda Recte Hier. : Ego autem credo quod videam.

14. Viriliter age . · seipsum adhortatur ad patientiam, Deo auxilium ac solatium differente.

(a) Ver. : [ Hebr. illustra.] — (b) Hebr. Decantatores. — (c) [ Al. credebam.] — (d) [ Hebr. nisi ego credidissem quod viderem.]