Psalmus XXXIII. Moralis

PSALMUS XXXIII. MORALIS.

versio vulgata. 1. Davidi, cum immutavit vultum suum coram Achimelech, et dimisit eum et abiit. (I Reg., xxi. )

2. Benedicam Dominum in omni tempore : semper laus ejus in ore meo.

3. In Domino laudabitur anima mea : audiant mansueti, et lætentur.

4. Magnificate Dominum mecum : et exaltemus nomen ejus in idipsum.

5. Exquisivi Dominum, et exaudivit me : et ex omnibus tribulationibus meis eripuit me.

6. Accedite ad eum, et illuminamini : et facies vestræ non confundentur.

7. Iste pauper clamavit, et Dominus exaudivit eum : et de omnibus tribulationibus ejus salvavit eum.

8. Immittet Angelus Domini in circuitu timentium eum, et eripiet eos.

9. Gustate, et videte quoniam suavis est Dominus : beatus vir, qui sperat in eo.

10. Timete Dominum, omnes sancti ejus : quoniam non est inopia timentibus eum. VERSIO S. HIERONYMI.

David, quando commutavit os (e) suum coram Abimelech, et ejecit eum, et abiit.

Benedicam Dominum in omni tempore : semper laus ejus in ore meo.

In Domino laudabitur anima mea, audient (b) mites, et lætentur.

Magnificate Dominum mecum, et exaltemus nomen ejus pariter.

Quæsivi Dominum, et exaudivit me : et de omnibus angustiis meis liberavit me.

Aspicite (c) ad eum et confluite, et vultus vestri non confundentur.

Hic pauper clamavit, et Dominus exaudivit : et de omnibus tribulationibus ejus salvavit eum.

Circumdat (d) Angelus Domini in gyro timentes eum, et eruet eos.

Gustate et videte quoniam bonus Dominus : beatus vir, qui sperat in eo.

Timete Dominum, sancti ejus : quoniam non est inopia timentibus eum. 1. Cum immutavit vultum suum : insanum se finxit. Coram Achimelec : Hebr. ; Abimelech ; sed omnino Vulgata præstat : hæc enim egit David coram Achis rex Geth : habetur hæc historia I Reg., xxi, 13. David ergo a tanto periculo liberatus, innocentiæ custodem Deum et iniquitatis ultorem acerrimum prædicat. Psalmus hic est acrostichus.

4. In idipsum : pariter.

5. Accedite. .. facies vestræ : Hebr. sic invertit : Aspiciant ad eum, et facies eorum non confundentur.

6. Immittet... in circuitu : Hier. circumdat, Hebr. et Septuaginta : castrame· labitur.

(a) Var. : [ Hebr. saporem.] — (b) Audiant. — (c) Respicite. — (d) Circumdabit.

11. Divites eguerunt et esurierunt : inquirentes autem Dominum non minuentur omni bono.

12. Venite, filii, audite me : timorem Domini docebo vos.

13. Quis est homo qui vult vitam : diligit dies videre bonos.

14. Prohibe linguam tuam a malo : et labia tua ne loquantur dolum.

15. Diverte a malo, et fac bonum : inquire pacem, et persequere eam.

16. Oculi Domini super justos : et aures ejus in preces eorum.

17. Vultus autem Domini super facientes mala : ut perdat de terra memoriam eorum.

18. Clamaverunt justi, et Dominus exaudivit eos : et ex omnibus tribulationibus eorum liberavit eos.

19. Juxta est Dominus iis, qui tribulato sunt corde : et humiles spiritu salvabit.

20. Multæ tribulationes justorum : et de omnibus his liberabit eos Dominus.

21. Custodit Dominus omnia ossa eorum : unum ex his non conteretur.

22. Mors peccatorum pessima : et qui oderunt justum, delinquent.

23. Redimet Dominus animas servorum suorum, et non delinquent omnes qui sperant in eo. Leones indiguerunt, et esurierunt : quærentibus autem Dominum non deerit omne bonum.

Venite, filii, audite me, timorem Domini docebo vos.

Quis est vir qui velit vitam, diligens dies videre bonos ?

Custodi linguam tuam a malo : et labia tua ne loquantur dolum.

Recede a malo, et fac bonum : quære pacem, et persequere eam.

Oculi Domini ad justos, et aures ejus ad clamores eorum.

Vultus Domini super (a) facientes mala (b) , ut perdat de terra, memoriam eorum.

Clamaverunt, et Dominus exaudivit, et ex omnibus tribulationibus eorum liberavit eos.

Juxta est Dominus contritis corde, et confractos spiritu salvabit.

Multæ tribulationes justi (c) , et ex omnibus illis liberabit (d) eum Dominus.

Custodit omnia ossa ejus : unum ex eis non confringetur.

Interficiet impium malitia, et odientes justum culpabuntur.

Redimet Dominus animas servorum suorum, et non peccabunt (e) omnes sperantes in eo. 11. Divites : Hebr. leones, id est, rapaces, violenti, qualis Saul et Philisthæi quorum e manibus ereptus est David.

13. Dies videre bonos ? Hebr. beatos, fortunatos dies ad videndum bonum.

14. Vultus Domini : id est ira, ut sæpe videmus.

15. Clamaverunt justi : deest justi . : Hebr. sed recte suppletum ex antecedentibus.

16. lis, qui tribulato sunt corde : Hier. contritis corde, afflictis ac mœrentibus.

17. Omnia ossa eorum : artus omnes, et artuum sustentacula : quare undique, et ab omni ictu tutus.

18. Mors peccatorum : Hier. interficiet impium malitia, ut non modo male pereant, sed etiam ipsi sibi accersant interitum.

19. Non delinquent ; Hebr. non deficient, non vastabuntur.

(a) Ver. : In. — (b) Malum. — (c) [ Hebr. Multa mala] justo. — (d) Liberavit. — (e) [ Hebr. non culpabuntur.]