Psalmus XXV. Deprecatorius

PSALMUS XXV. DEPRECATORIUS.

Sacerdotibus accedentibus ad altare, ut, licet nullius sibi sceleris conscii, purgari amplius expectant.

VERSIO VULGATA.

1. In finem, Psalmus David.

Judica me, Domine, quoniam ego in innocentia mea ingressus sum : et in Domino sperans non infirmabor.

2. Proba me, Domine, et tenta me : ure renes meos et cor meum.

3. Quoniam misericordia tua ante oculos meos est : et complacui in veritate tua.

i. Non sedi cum consilio vanitatis, et cum iniqua gerentibus non introibo.

5. Odivi ecclesiam malignantium : et cum impiis non sedebo.

6. Lavabo inter innocentes manus meas : et circumdabo altare tuum, Domine :

7. Ut audiam vocem laudis, et enarrem universa mirabilia tua. VERSIO S. HIERONYMI.

David.

Judica me, Deus, quoniam ego (a) in simplicitate mea ambulavi, et in Domino confidens non deficiam.

Proba me, Domine, et tenta me : ure (b) renes meos et cor meum.

Quia misericordia tua in conspectu oculorum meorum est, et ambulabo in veritate tua.

Non sedi cum viris vanitatis, et cum superbis non ingrediar.

Odivi ecclesiam pessimorum, et cum iniquis non sedebo.

Lavabo (c) innocentia manus (d) meas, et circuibo altare tuum, Domine.

Ut audiam vocem laudis (e) et enarrem omnia mirabilia tua. 2, Ure renes meos, purga interiora mea, quasi in fornace.

6. Lavabo inter innocentes... Hier. Lavabo in innocentia. Revera accedentes ad altare manus et pedes lavabunt, Exod., xxx, 19. Et circumdabo : quod proprie et ad sacerdotes pertinet, quanquam ipsa plebs spectabat sacrificium, suoque modo quodam altari appropinquabat, Levit., ix, 23, 24.

7. Ut audiam vocem laudis... cantus et psalmos Dei memores circa altaria.

(a) Var. : Domine, quia ego. — (b) [ Hebr. confla.] — (c) Adde in. — (d) [ Hebr. palmas.] — (e) Ut clara -voce prædicem laudem.

8. Domine, dilexi decorem domus tuæ , et locum habitationis gloriæ tuæ.

9. Ne perdas cum impiis, Deus, animam meam, et cum viris sanguinum vitam meam :

10. In quorum manibus iniquitates sunt : dextera eorum repleta est muneribus.

11. Ego autem in innocentia mea ingressus sum : redime me, et miserere mei.

12. Pes meus stetit in directo : in ecclesiis benedicam te, Domine. Domine, dilexi habitaculum domus tuæ, et locum tabernaculi gloriæ tuæ.

Ne auferas (a) cum peccatoribus animam meam, et cum viris sanguinum vitam meam.

In quorum manibus scelus est, et dextera eorum repleta est muneribus.

Ego autem in simplicitate mea gradiar : redime me, et miserere mei.

Pes (b) meus stetit in recto : in ecclesiis benedicam Domino. 8. Decorem, Hier. habitaculum : ipsum sanctuarium, ejusque pulchritudinem ac sanctitatem.

9. Viris sanguinum, homicidis.

1 0. Dextera eorum repleta est muneribus : Munera adversus innoxium accipiunt, contra vetitum, Psal. xiv. 5 : Munera super innocentem non accepit.

12. in directo : in recto tramite.

(a) Var. . · [ Hebr. Ne apponas.] — (b) Adde enim.