Psalmus XXIV. Deprecatorius

PSALMUS XXIV. DEPRECATORIUS.

David pressus angustiis, urgentibus hostibus, peccata condonari, in rectam se deduci viam, ab adversariis liberari petit. Acrostichus est hic Psalmus.

VERSIO VULGATA.

1. In finem, Psalmus David.

Ad te, Domine, levavi animam meam :

2. Deus meus, in te confido ; non erubescam :

3. Neque irrideant me inimici mei : etenim universi, qui sustinent te, non confundentur.

4. Confundantur omnes iniqua agentes supervacue.

Vias tuas, Domine, demonstra mihi : et semitas tuas edoce me.

5. Dirige me in veritate tua et doce me : quia tu es Deus salvator meus, et te sustinui tota die.

6. Reminiscere miserationum tuarum, Domine, et misericordiarum tuarum, quæ a sæculo sunt.

7. Delicta iuventutis meæ, et ignorantias meas ne memineris.

Secundum misericordiam tuam memento mei tu : propter bonitatem tuam, Domine.

8. Dulcis et rectus Dominus, propter hoc legem dabit delinquentibus in via.

9. Diriget mansuetos in judicio : docebit mites vias suas. VERSIO S. HIERONYMI.

Psalmus David.

Ad te, Domine, animam meam levabo (a) .

Deus meus, in te confisus (b) sum : non confundar, ne lætentur (c) inimici mei mihi.

Sed universi qui sperant in te, non confundentur (d) : confundantur qui iniqua gerunt frustra.

Vias tuas, Domine, ostende mihi, et semitas tuas doce me.

Deduc me in veritate tua, et doce me : quia tu es Deus salvator meus, te expectavi tota die.

Recordare miserationum tuarum, Domine, et misericordiarum tuarum, quia a sempiterno (e) sunt.

Peccatorum adolescentiæ meæ, et scelerum meorum ne memineris : secundum misericordiam tuam recordare mei tu, propter bonitatem tuam, Domine.

Bonus et rectus Dominus, propterea docebit peccatores in via.

Deducet mansuetos in judicio, et docebit modestos viam suam. 4. Supervacue. Hier. frustra, gratis, nullo fructu.

7. Ignorantias. Hebr. peccata.

8. Legem dabit. Hier. docebit : et ita passim in Vulg. legem dare, legem statuere, legem ponere, phrasis est qua redditur hebraicum docere ; sic et infra 12.

(a) Var. : Levo. — (b) Fisus. — (c) Hebr. [Neque exultent in me.] — (d) Confundantur. — (e) A sæculo.

10. Universæ viæ Domini, misericordia et veritas, requirentibus testamentum ejus, et testimonia ejus.

11. Propter nomen tuum, Domine, propitiaberis peccato meo : multum est enim.

12. Quis est homo qui timet Dominum ? legem statuit ei in via., quam elegit.

13. Anima ejus in bonis demorabitur : et semen ejus hæreditabit terram.

14. Firmamentum est Dominus timentibus eum : et testamentum ipsius ut manifestetur illis.

15. Oculi mei semper ad Dominum : quoniam ipse evellet de laqueo pedes meos.

16. Respice in me, et miserere mel : quia unicus et pauper sum ego.

17. Tribulationes cordis mei multiplicatæ sunt : de necessitatibus meis erue me.

18. Vide humilitatem meam, et laborem meum : et dimitte universa delicta mea.

19. Respice inimicos meos, quoniam multiplicati sunt, et odio iniquo oderunt me.

20. Custodi animam meam, et erue me : non erubescam, quoniam speravi in te. Omnes semitæ Domini misericordia et veritas, his qui custodiunt pactum ejus, et testificationes ejus.

Propter nomen tuum, Domine, propitiare iniquitati meæ, quoniam grandis est.

Quis est iste vir timens Dominum quem docebit in via quam elegit ?

Anima ejus in bono commorabitur, et semen ejus hæreditabit terram.

Secretum (a) Domini timentibus eum, et pactum suum ostendet (b) eis.

Oculi mei semper ad Dominum : quia ipse educet de reti pedes meos.

Respice in me, et miserere mei : quoniam solus et pauper sum ego.

Tribulationes cordis mei multiplicatæ (c) sunt : de angustiis meis educ me.

Vide humilitatem (d) meam et laborem meum, et porta omnia peccata mea.

Vide inimicos meos, quia (e) multiplicati sunt ; et odio iniquo oderunt me.

Custodi animam meam, et libera me : non confundar, quoniam speravi in te. 10. Testamentum. Hier. pactum. 12. Legem statuit : docebit.

14. Firmamentum est Dominus... Hier. Secretum Domini, hoc est, occulta protectio, sive declaratio arcanorum, ut Ρsal. L. 8 : « Incerta et occulta sapientiæ tuæ manifestasti mihi. » Et testamentum... Hier. et pactum suum ostendet eis, promissorum veritatem.

15. Oculi mei : Eruit me Dominus a laqueis, in se potius quam in eos intuentem.

16. Unicus. Hier. solus, ab omnibus destitutus.

17. De necessitatibus. Hier. de angustiis.

(a) Var. : At. [Decretum.]— (b) Ostendit. — (c) Amplificata. — (d) Afflictionem. — (e) Quoniam.

21. Innocentes et recti adhæserunt mihi : quia sustinui te.

22. Libera, Deus, Israel ex omnibus tribulationibus suis. Simplicitas et æquitas servabunt me : quia expectavi te.

Redime, Deus, Israel ex omnibus angustiis suis. 21. Innocentes : Hier. Simplicitas et æquitas servabunt me.