Psalmus XXXIV. Deprecatorius

PSALMUS XXXIV. DEPRECATORIUS.

David insidiis et calumniis impetitus, cum Saulem et alios inimicos nec patientia, nec fusis pro illis precibus lenire posset, non tamen ulciscitur, sed Deum implorat judicem. Quæ omnino congruunt ei loco, ubi David in spelunca delitescens, Sauli pepercit, oram chlamydis præcidit. I Reg., xxiv, 5.

VERSIO VULGATA. Ipsi David.

1. Judica, Domine, nocentes me, expugna impugnantes me.

2. Apprehende arma et scutum : et exurge in adjutorium mihi.

3. Effunde frameam, et conclude adversus eos, qui persequuntur me : dic animæ meæ : Salus tua ego sum.

4. Confundantur et revereantur, quærentes animam meam.

Avertantur retrorsum, et confundantur cogitantes mihi mala.

5. Fiant tanquam pulvis ante faciem venti et Angelus Domini coarctans eos. VERSIO S. HIERONYMI. David.

Judica, Domine, adversarios meos : pugna contra impugnantes me.

Apprehende scutum et hastam (a) , et consurge in auxilium meum (b) .

Evagina gladium, et prœoccupa ex adverso persequentem (c) me ; dic animæ meæ : Salus tua ego sum.

Confundantur et revereantur, qui quærunt animam meam.

Convertantur retrorsum, et confundantur, qui cogitant malum mihi.

Fiant sicut pulvis ante faciem venti, et Angelus Domini impellat. 1. Judica... nocentes me : Hebr. Litiga cum litigantibus mecum, causam meam in Saulem et adversarios suscipe : quæ sane eo pertinent, ut ultionem permittat Deo, ipse a vindicta purus. Sic enim Saulem alloquitur : Judicet Dominus inter me et te : manus autem mea non sit in te. Et iterum : Sit Dominus judex, et judicet inter me et te : videat et judicet causam meam et eruat me de manu tua, I Reg. , xxiv, 13, 16 : quæ omnino huic loco congruunt.

2. Apprehende arma et scutum : Hier. scutum et hastam, quo et me tuearis, et ulciscaris hostes : Deus enim pro eo militat, qui ultionem illi, non sibi, tribuit.

3. Effunde frameam : Hier. Evagina gladium ; Hebr. expedi lanceam. Et conclude : Hier, et prœoccupa, etc. quod est egregie pugnantis, et prævertentis ictus. Dic animæ meæ : intus, arcana illa spiritus voce.

5, 6. Et angelus Domini... « Horrenda via ! Tenebras solas quis non horreat ? lubricum solum quis non paveat ? in tenebris et lubrico qua is ? ubi pedem figis ? » August. in hunc psal. serm. i, n. 9. Et instat præterea : Angelus Domini, malus, ut puto : ut non possint stare, idem. Morali sensu : « tenebræ, ignorantia : lubricum, luxuria. » Idem. Præter incentiva vitiorum, tentator urget, nec quiescere sinit.

(a) Var. : [ Al. centum.] — (b) [ Al. mihi.] — (c) Persequentes.

6. Fiat via illorum tenebræ et lubricum : et Angelus Domini persequens eos.

7. Quoniam gratis absconderunt mihi interitum laquei sui : supervacue exprobraverunt animam meam.

8. Veniat illi laqueus quem ignorat : et captio, quam abscondit, apprehendat eum : et in laqueum cadat in ipsum.

9. Anima autem mea exultabit in Domino : et delectabitur super salutari suo.

10. Omnia ossa mea dicent : Domine, quis similis tibi ?

Eripiens inopem de manu fortiorum ejus : egenum et pauperem a diripientibus eum.

11. Surgentes testes iniqui, quæ ignorabam interrogabant me.

12. Retribuebant mihi mala pro bonis : sterilitatem animæ meæ.

13. Ego autem cum mihi molesti essent, induebar cilicio.

Humiliabam in jejunio animam meam : et oratio mea in sinu meo convertetur.

14. Quasi proximum, et quasi fratrem nostrum, sic complacebam : quasi lugens et contristatus sic hu-miliabar. Sit via eorum tenebræ et lubricum, et Angelus Domini persequatur eos.

Quia frustra absconderunt mihi insidias retis sui : sine causa foderunt animæ meæ.

Veniat ei (a) calamitas quam ignorat, et rete suum quod abscondit, comprehendat eum, et cadat in laqueum (b) .

Anima autem mea exultabit in Domino, et (c) lætabitur in salute sua.

Omnia ossa mea dicent : Domine, quis similis tui ? eripiens (d) inopem a validiore, et pauperem et mendicum a violento.

Surgentes testes iniqui : quæ nesciebam interrogabant me.

Reddebant mihi mala pro bono : sterilitatem animæ meæ.

Ego autem cum infirmarer (e) ab eis, induebar cilicio : humiliabam in jejunio animam meam, et oratio mea in sinum meum revertetur.

Quasi ad amicum (f) , quasi ad fratrem meum sic ambulabam : quasi lugens mater, tristis incurvabar. 7. Gratis... supervacue : sine causa, non lacessiti : eadem utrobique vox, Hebr. Interitum laquei sui : laqueum suum exitialem. Exprobraverunt animam meam : Hier. foderunt animæ meæ. C hald. insidiati sunt.

8. Laqueus : Hier. calamitas.

9. Omnia ossa mea : totis viribus et ex intimis medullis dicam.

10. Sterilitatem : Hebr. orbitatem, ut me orbum et inopem facerent.

11. Cum mihi molesti essent : congruit Hier. Hebr. Chald. Syr. Cum ipsi infirmarentur, cum vehementissime laborarent, non gravavi oppressos ; quin potius ad preces me contuli, pro ipsis quoque Deo supplicans, ut docent sequentia. Oratio mea in sinu meo : Hier. in sinum meum revertebatur ; secretas fundebam preces, vel ea ipsis imprecabar quæ mihi evenire optarem, sic enim agebat. Vide vers. seq. ; vide etiam Præf. cap. I, n. 13.

12. Quasi. proximum : Hier. quasi ad amicum, quasi ad fratrem meum, sic ambulabam, etc, nihil mali cogitans adversus malos, imo fausta omnia ut ami-

(a) Var. : [ Al. eis.] — (b) [ Hebr. in calamitatem.] — (c) Deest et. — (d) Eruens. — (e) Infirmarentur, induebar. — (f) [ Hebr. Sodalem.]

15. Et adversum me lætati sunt, et convenerunt : congregata sunt super me flagella, et ignoravi.

16. Dissipati sunt, nec compuncti, tentaverunt me, subsannaverunt me subsannatione : frenduerunt super me dentibus suis.

17. Domine, quando respicies ? restitue animam meam a malignitate eorum, a leonibus unicam meam.

18. Confitebor tibi in ecclesia magna, in populo gravi laudabo te.

19. Non supergaudeant mihi qui adversantur mihi inique : qui oderunt me gratis, et annuunt oculis.

20. Quoniam mihi quidem pacifice loquebantur : et in iracundia terræ loquentes, dolos cogitabant.

21. Et dilataverunt super me os suum : dixerunt : Euge, euge, viderunt oculi nostri.

22. Vidisti, Domine, ne sileas : Domine, ne discedas a me. Et in infirmitate mea lætabantur et congregabantur : collecti sunt adversum me percutientes et nesciebam, scindentes, et non tacentes.

In simulatione verborum fictorum, frendebant contra me dentibus suis.

Domine, quanta videbis (a) ? converte animam meam a calamitatibus suis (b) : a leonibus solitariam meam.

Confitebor tibi in ecclesia grandi ; in populo forti laudabo te.

Non lætentur super me inimici mei mendaces : odientes me frustra conniventes (c) oculo.

Non enim pacem loquuntur, sed in rapina terræ, verba fraudulenta concinnant.

Et dilataverunt super me os suum, dixerunt : Vah, vah, vidit oculus noster.

Vidisti, Domine, ne taceas : Domine, ne elongeris a me. cis, ut fratribus, evenire optans. Quasi lugens : Hier. quasi lugens matrem, tristis incurvabar, tanta inerat charitas erga infensos quosque, ut etiam laborantes æque lugeret ac matrem.

15. Et adversum me. .. et in infirmitate mea, etc, ut apud Hier. usque ad vers. 17. (scindentes, et non tacentes, etc. ex Hier. ) proscindentes me contumeliis, neque id clam habentes ; quippe professi odium, interdum tamen blanda simulantes, sed insultantium more.

16. A malignitate eorum : Hier. a calamitatibus suis. Unicam meam, animam.

17. In ecclesia magna : recte ; dignus piorum cœtibus, qui nemini machinatur malum, omnes, atque etiam adversarios, fraterna charitate complexus. In populo gravi : denso, multo.

18. Qui adversantur : Hier. inimici mei mendaces. Annuunt oculis : sic ille deceptor Prov., vi , 13, 14, annuit oculis, terit pede, digito loquitur, pravo corde machinatur malum ; multis interim sinceræ familiaritatis indiciis.

19. Quoniam mihi quidem : Hier. non enim pacem loquuntur. Et in iracundia terræ : Hier. in rapina terræ. Dolos cogitabant : fraudulenta verba concinnant, idem : ita se gerunt, ita dolose agunt, ut solent iracundi terræ, rapaces violentique homines, qui in terra passim, occurrunt. Alii ex Hebr. sic : Super quietos terræ verba dolosa excogitant.

20. Euge, euge : quod est adhortantis, tanquam seipsi ad scelera adhortentur : alii, Vah, vah ; quod est indignantis et insultantis.

(a) Var. : [ Al. aspicies.] — (b) Eorum. — (c) Cohibentes.

23. Exurge et intende judicio meo, Deus meus et Dominus meus, in causam meam.

24. Judica me secundum justitiam tuam, Domine Deus meus, et non supergaudeant mihi.

25. Non dicant in cordibus suis : Euge, euge, animæ nostræ : nec dicant : Devoravimus eum.

26. Erubescant et revereantur simul, qui gratulantur malis meis.

Induantur confusione et reverentia, qui magna loquuntur super me.

27. Exultent et lætentur qui volunt justitiam meam : et dicant semper : Magnificetur Dominus, qui volunt pacem servi ejus.

28. Et lingua mea meditabitur justitiam tuam, tota die laudem tuam. Consurge (a) et vigila in judicium meum, Deus meus et Dominus meus (b), in causam meam.

Judica me secundum justitiam tuam, Domine Deus meus : et ne insultent mihi.

Nec dicant in corde suo : Vah animæ nostræ : nec dicant : Absorbuimus eum.

Confundantur et revereantur pariter qui lætantur in afflictione mea.

Induantur confusione et verecundia, qui magnificantur super me.

Laudent et lætentur qui volunt justitiam meam : et dicant semper : Magnificetur Dominus, qui vult pacem servi sui.

Et lingua mea meditabitur justitiam tuam, tota die laudem tuam. 26. Erubescant et revereantur : pudefiant. Reverentia : ignominia ; qua de re vide Præf. cap. i, n. 14, et in Psal. vi, 11.

(a) Var. : [ Hebr. expergiscere.] — (b) [ Al. Domine,] in.