Psalmus XXXIX. Consolatorius : propheticus

PSALMUS XXXIX. CONSOLATORIUS : PROPHETICUS.

Ex recordatione præteritorum malorum a quibus ope divina expeditus, liberari sperat a præsentibus ærumnis gravissimis, quas pro peccatis patitur. Interim sacrificium Christi, veterum ■victimarum loco, futurum prænuntiat. Congruit hic Psalmus temporibus Absalomi. Certe post Davidis lapsum scriptus est, ex vers. 13.

VERSIO VULGATA.

1. In finem, Psalmus ipsi David.

2. Expectans expectavi Dominum, et intendit mihi.

3. Et exaudivit preces meas, et eduxit me de lacu miseriæ, et de luto fæcis.

Et statuit super petram pedes meos, et direxit gressus meos.

4. Et immisit in os meum canticum novum, carmen Deo nostro.

Videbunt multi et timebunt, et sperabunt in Domino.

5. Beatus vir, cujus est nomen Domini spes ejus, et non respexit in vanitates, et insanias falsas.

6. Multa fecisti tu, Domine Deus meus, mirabilia tua, et cogitationibus tuis non est qui similis sit tibi.

Annuntiavi et locutus sum ; multiplicati sunt super numerum. VERSIO S. HIERONYMI.

Pro victoria, Psalmus David (a) .

Expectans expectavi Dominum : et inclinatus est ad me, et audivit clamorem meum.

Et eduxit me de lacu sonitus, de luto cœni : et statuit super petram pedes meos, stabilivit gressus meos.

Et dedit in ore meo canticum novum, laudem Deo nostro.

Videbunt multi et timebunt, et sperabunt in Domino.

Beatus vir qui posuit Dominum confidentiam suam, et non est aversus ad superbias, pompasque mendacii (b) .

Multa fecisti tu, Domine Deus meus, mirabilia tua, et cogitationes tuas pro nobis. Non invenio ordinem coram te.

Si narrare voluero et numerare, plura sunt quam ut narrari queant. 2. Expectans expectavi : diutissime, vehementissime : quod in illa ingeminatione vocum ubique est observandum.

3. Miseriæ : Hier. sonitus, perstrepentibus undis ; quod ad calamitates pertinere sæpe vidimus. Direxit : Hier. stabilivit.

4. Non respexit : Hebr. et non est conversus ad superbos et deflectentes ad mendacium.

5. Cogitationibus : Hier. cogitationes tuas, etc. Tuarum de nobis cogitationum non potest iniri ratio. Multiplicati sunt : multiplicatae cogitationes, plures sunt quam ut enarrari queant, aut numerari ; unde sequitur : Annuntiavi et locutus sum... præclare Hier. Si narrare voluero...

(a) Var. : Victori David canticum. — (b) Mendaces.

7. Sacrificium et oblationem noluisti ; aures autem perfecisti mihi.

Holocaustum et pro peccato non postulasti : 8. Tunc dixi : Ecce venio.

In capite libri scriptum est de me, 9. ut facerem voluntatem tuam : Deus meus, volui, et legem tuam in medio cordis mei.

10. Annuntiavi justitiam tuam in ecclesia magna, ecce labia mea non prohibebo : Domine, tu scisti.

11. Justitiam tuam non abscondi in corde meo : veritatem tuam et salutare turni dixi.

Non abscondi misericordiam tuam, et veritatem tuam, a concilio multo.

12.. Tu autem, Domine, ne longe facias miserationes tuas a me ; misericordia tua et veritas tua semper susceperunt me.

13. Quoniam circumdederunt me mala, quorum non est numerus : comprehenderunt me iniquitates meæ, et non potui ut viderem.

Multiplicatæ sunt super capillos capitis mei, et cor meum dereliquit me. Victimam et oblationem non voluisti (a) ; aures fodisti mihi ; holocaustum et pro peccato non petisti.

Tunc dixi : Ecce ego venio ; in volumine libri scriptum est de me,

Ut facerem placitum tibi (b) , Deus meus, volui, et legem tuam in medio ventris mei.

Annuntiavi justitiam in ecclesia multa, ecce labia mea non prohibebo : Domine, tu nosti.

Justitiam tuam non abscondi in medio cordis mei, fidem tuam et salutare tuum dixi.

Non abscondi misericordiam tuam, et veritatem tuam in ecclesia multa.

Tu, Domine, non prohibebis misericordias (c) tuas a me : misericordia tua et veritas tua jugiter servabunt me.

Circumdederunt enim me mala, quorum non est numerus, comprehenderunt me iniquitates meæ, et non potui videre.

Plures factæ sunt quam capilli capitis mei, et cor meum dereliquit me. 7. Sacrificium... Tanta sunt beneficia tua, ut nullis sacrificiis gratiæ referri possint : qua occasione transgreditur ad veterum abrogationem, Christum immolatum, et abrogata vetera sacrificia. Nota hic omnia sacrificiorum genera : sacrificium pacificum ; libationem seu munus ; holocaustum pro peccato : de quibus Levit. i, etc. Tribus his versibus 7, 8, 9, Christus loquitur, Paulo teste, Hebr. x. 5. Aures autem... corpus autem aptasti mihi, Septuaginta. Et ita Paulus : magis ad Hebr. accedit. Perfecisti : effinxisti, formasti, ut dicto tibi audiens essem : Hier. fodisti, tanquam mancipio, cui perforabantur aures, Εxοd., xxi , 6. Chald. sic interpretatur : aperuisti ut audirem, : sic Isa. , L, 5 : Dominus aperuit mihi aurem.

9. Voluntatem tuam, qua me pro omnibus victimis esse voluisti ; quam voluntatem etiam legem dixit.

10. Annuntiavi : hæc et ex Davidis et ex Christi persona dicta accipi possunt : In ecclesia magna : ita Christus, Psal. xxi, 36 ; et David, Psal. xxxiv, 18.

11. Iniquitates... : sic ante lapsum non loqueretur, qui Iecit rectum in oculis Domini... cunctis diebus vitæ suæ, excepto sermone Uriœ Hethœi, III Reg., xv, S.

(a) Var.. : Victima et oblatione non indiges. — (b) Tuum. — (c) Non prohibeas [ Hebr. pietates.]

14. Complaceat tibi, Domine, ut eruas me : Domine, ad adjuvandum me respice.

lo. Con"undantur et revereantur simul, qui quærunt animam meam, ut auferant eam.

Convertantur retrorsum, et revereantur, qui volunt mihi mala.

16. Ferant confestim confusionem suam, qui dicunt mihi : Euge, euge.

17. Exultent et lætentur super te omnes quærentes te, et dicant semper : Magnificetur Dominus, qui diligunt salutare tuum.

18. Ego autem mendicus sum, et pauper ; Dominus sollicitus est mel.

Adjutor meus, et protector meus tu es : Deus meus, ne tardaveris. Placeat tibi, Domine, ut liberes me : Homine, ad adjuvandum me festina.

Confundantur et revereantur simul, quærentes animam meam, ut auferant eam : convertantur retrorsum et confundantur, qui volunt mala mihi.

Pereant post confusionem suam, qui dicunt mihi : Vah, vah.

Gaudeant et lætentur in te omnes qui quærunt te : dicant jugiter : Magnificetur Dominus, qui diligunt salutare tuum.

Ego autem sum egenus et pauper : Dominus sollicitus erit pro me :

Auxilium meum et salutare meum tu es (a) , Deus meus, ne moreris. 16. Ferant confestim : Hier. pereant post confusionem.

18. Mendicus sum, et pauper : tantus rex ! humana enim vita tota inopia est.

(a) Var. : Deest es.