Articulus 62

De magna emendatione cujusdam solitarii negligentis.

HABITAVIT in Choreb solitarius quidam penitus negligens: qui tandem graviter infirmatus, per unius horæ spatium perfecte migravit a corpore; rediensque ad se ipsum, rogavit Climacum ibi præsentem, et ceteros omnes qui aderant, repente recedere. Quo facto, ostium cellulæ suæ obstruens, per duodecim annos mansit intus, cum nullo hominum habens colloquium, nec præter panem et aquam aliquid gustans. Sicque assidue sedit, et ea quæ vidit in ecstasi mirabatur, incedebatque mœrens, nec unquam de cetero proprium morem mutavit. Sicut de sancta Anna ait Scriptura, Vultus ejus non sunt¹