Laus Dei ex evangelio, de Christi incarnatione
PER eumdem Archangelum, Virgini benedictæ, S. Mariæ, quod Christum Filium tuum conciperet, dignatus es intimare, Pater æterne.1
Cui locutus est Gabriel, modum incarnationis sciscitanti : Spiritus Sanctus superveniet in te, et virtus Altissimi obumbrabit tibi; ideoque quod nascetur ex te sanctum, vocabitur Filius Dei.
Qua præbente consensum, eodem instanti concepit Unigenitum tuum.
Quæ quum Deo imprægnata fecundatam Elisabeth salutavit, mox infans in utero Elisabeth supernaturaliter exsultavit :2 usu quippe rationis miraculose præventus, sensit tuam, o Christe, exsultabundus præsentiam.
Quod sentiens S. Elisabeth, Spiritu Sancto impleta clamavit devotissime ad Mariam : Benedicta tu inter mulieres, et benedictus fructus ventris tui.
Tu itaque, Fili Dei, ex Maria virgine carnem sumpsisti : sicque sanctorum patrum David et Abrahæ filium te constituisti.
Tu, Deus, per angelum locutus es3
A Joseph volenti Mariam dímittere, ne eam formidaret accipere, quoniam quod concepit, de Spiritu Sancto fuit, non virili de semine.
Jussisti insuper Joseph, ut Filium Virginis vocaret Jesum, eo quod ipse salvaret populum suum a peccatis eorum.
Salva nos, Christe, ab universis peccatis : cui cum Patre et Spiritu Sancto est honor, gloria atque imperium in sæculis sempiternis. Amen.
Footnotes
Chapter 33 of 78