Laus Dei de opere creationis
IN principio creasti cœlum et terram:1 tu enim, Pater, in Verbo et Filio tuo condidisti machinam mundialem.2
Tu, Deus Trinitas, in principio temporis et ante alia, superiora et inferiora fecisti sine præjacenti materia.
In sapientia tua invisibilia produxisti : intellectuales substantias, angelicos spiritus tu plasmasti.
Universos orbes cœlestes, planetas et astra fundasti; elementa et omnia mixta, rationalia et irrationalia procreasti.
Inter angelicos intellectus et irrationalia hæc terrena, medium condidit hominem ex intellectu et carne constantem virtus tua immensa.
Fac nos, sancte Creator, creationis beneficio gratos, et angelicorum intellectuum per cœlestem conversationem imitatores idoneos.
Tibi, trine simplexque Creator, virtus, laus, honor, felicitas, Deus Pater, Deus Fili, Deus Spiritus Sancte, benedicta et supergloriosa Trinitas. Amen.
Footnotes
Chapter 59 of 78