Laus Dei ex evangelio, de Christi

incarnatione.

EUMDEM per Archangelum, Gabrielem hunc angelum, Verbi incarnationem, Propter summam rationem, Virgini prænuntiasti, Quam ad hoc præordinasti.

Hac consensum conferente, Sancto Spiritu agente, Verbum tuum mox concepit, Virtus tua ut præcepit.

Quo peracto visitavit Neptem, hancque salutavit Genitricem Præcursoris, In qua is tunc exsultavit, Et præsentem declaravit Sic personam Salvatoris.

Præcursoris mater pia Benedixit te, Maria, Super cunctas mulieres; In te Christum quum haberes, Tua dixit præsentia Indignam se prudentia.

Nostrum corpus induisti, Sicque natum te fecisti Sanctorum Patriarcharum, Juxta verba Prophetarum.

Sponso Virginis jussisti, Et per angelum dixisti,

Ut hanc tute acciperet, Et nequaquam abjiceret, Quum concepisset cœlitus. Tibi semper sim deditus.

Joseph demum præcepisti Jesum vocare puerum, Ad salvandum quem misisti Virginalem in uterum. Per hunc, Pater sempiterne, Purga, salva nos interne.

Tibi, beata Trinitas, etc.