Laus Dei ex secunda pauli ad

Thessalonicenses epistola.

FIDE clara concrescamus, Caritate ardeamus In alios instantius, O Deus, abundantius.

Sempiternas sustinebunt Pravi pœnas, et dolebunt conspectu majestatis, Tuæ, Christe, æquitatis, Quando tu glorificari Venies et sublimari In Sanctis et credentibus, Tibi vere hærentibus.

Sancta tua vocatione Nos dignare, Deus bone.

Tu, Christe, interficies Et omnino dejicies

Filium perditionis, Tuæ verbo jussionis.

Pater, qui nos dilexisti, Et æternam præstitisti Nobis consolationem Bonamque sperationem, Corda nostra exhortare, Firma, doce, immorare.

Ab importuno homine Libera nos, Domine, Et a fratre ambulante Inordinate nec ante, Nos prudenter subtrahamus, Ne et ipsi pereamus.

Tibi, beata Trinitas, etc.