Laus Dei de eodem

AURO tribuis splendorem, Melli dulcem das saporem, Oleo suavitatem, Et metallis claritatem.

Herbis, gemmis pretiosas Vires das ac fructuosas,

Quibus balsamum ornasti, Hisque vinum decorasti.

Toti mundo venustatem Miram et activitatem Es largitus, gloriose Deus, supergratiose.

Quidquid suavitudinis, Decoris, plenitudinis Habent aut perfectionis, te fonte dationis Sunt sortita et retentant. Te excelsum repræsentant.

Mundi in creatione Tua patet potentia, Ejus gubernatione Relucet sapientia, Ejus conservatione Bonitatis fluentia.

Te in tuis effectibus Diligamus, contemplemur, Amorosis affectibus Te ubique veneremur.

Tibi, beata Trinitas, etc.